«Зәһмәт олмаса, бу адама баш чәк» (С-43) бланкындан неҹә истифадә етмәли?
Бу бланкы сизин јығынҹағын әразисиндә јашамајан вә ја әҹнәбидилли мараглананлара раст ҝәләндә долдурмаг лазымдыр. Әввәлләр биз бу бланкы әҹнәбидиллинин мараг ҝөстәриб-ҝөстәрмәмәсиндән асылы олмајараг долдурурдугса, инди ону јалныз инсан мараг ҝөстәрдији һалда долдурмалыјыг. Кар инсанлара раст ҝәлдикдә исә, мараг ҝөстәриб-ҝөстәрмәмәсиндән асылы олмајараг, мүтләг S-43 бланкыны долдурмаг лазымдыр.
Бәс бланкы долдурдугдан сонра нә етмәк лазымдыр? Биз ону јығынҹағын катибинә вермәлијик. Әҝәр катиб марагланан инсанын һансы јығынҹағын әразисинә аид олундуғуну билирсә, бланкы бирбаша һәмин јығынҹағын ағсаггалларына ҝөндәрә биләр ки, һәмин инсанын гајғысына галсынлар. Амма әҝәр о, бланкы һансы јығынҹаға ҝөндәрәҹәјини билмирсә, онда ону филиала ҝөндәрмәлидир.
Әҝәр марагланан инсан әҹнәбидиллидирсә вә сизин әразидә јашајырса, мүвафиг әҹнәбидилли јығынҹағын тәблиғчиси баш чәкәнәдәк онун марағыны артырмаг үчүн сән она тәкрар баш чәкә биләрсән. («Бизим Падшаһлыг Хидмәтимиз»ин 2009-ҹу ил нојабр сајынын 4-ҹү сәһифәсинә бах.)