Дәрһал һај вер

Јениләнмиш веб-сајтымыз истифадәјә верилән ҝүндән Мүгәддәс Китабы өјрәнмәклә бағлы онлајн мүраҹиәтләрин сајы инанылмаз дәрәҹәдә артыб. Мүраҹиәтләрин артмасына иҹтимаи шаһидлијин јени нөвләри сәбәб олуб. Филиаллар бу мүраҹиәтләрә вахт итирмәдән һај верирләр. Мәсәлән, жw.org сајтына васитәсилә мүраҹиәт едиләндә филиал икиҹә ҝүнә марагланан инсанын јашадығы әразијә ујғун олараг мүраҹиәти ағсаггаллара ҝөндәрир. Анҹаг саһәдән алдығымыз мәлуматлардан ҝөрүнүр ки, Мүгәддәс Китабы өјрәнмәк үчүн мүраҹиәт едән шәхсләрин һәфтәләрлә ҝөзү јолда галыр. Бәс неҹә әмин ола биләрик ки, биз көмәјә чатана кими һәмин инсанын марағы өлмәјәҹәк? (Марк 4:14, 15).

Әҝәр марагланан инсан сизин әразидә јашамырса, онда дәрһал «Зәһмәт олмаса, бу адама баш чәк» (S-43) бланкыны долдур вә нөвбәти ҝөрүшдән ҝеҹ олмамаг шәртилә катибә вер. Катиб бир вә ја ики ҝүн әрзиндә мәлуматы ја мүвафиг јығынҹаға, ја да jw.org сајты васитәсилә филиала ҝөндәрмәлидир. Ағсаггаллар тез-тез сајтымыза бахмалыдырлар. Әҝәр онлар кимдәнсә мүраҹиәт алыбларса, дәрһал һәрәкәтә кечмәлидирләр. Һәр һансы бир тәблиғчидән хаһиш етмәк олар ки, о, илк нөвбәдә, һәмин адамла әлагә сахласын. Әҝәр марагланан евдә јохдурса, јахшы оларды ки, тәблиғчи әлагә нөмрәсини сахласын.