Јеһоваја бол-бол шүкүрләр сөјләмәк имканы
1. Һансы јени тәдбир Јеһоваја бол-бол шүкүрләр сөјләмәјә имкан јарадаҹаг?
1 Бу илин март ајында јени тәдбир гүввәјә минди — тәблиғчиләрә һәр ил һәм март-апрел ајларында, һәм дә рајон нәзарәтчисинин баш чәкдији ајда 30 саатлыг норма илә көмәкчи пионер кими хидмәт етмәк имканы вериләҹәк. Әҝәр рајон нәзарәтчисинин башчәкмәси ики ајын кәсишмәсинә дүшүрсә, тәблиғчи бу ики ајдан истәдијини сечиб 30 саатлыг норма илә көмәкчи пионер кими хидмәт едә биләр. Көмәкчи пионерләрин һамысы рајон нәзарәтчисинин даими вә хүсуси пионерләрлә олан ҝөрүшүндә ахыра кими иштирак едә биләрләр. Бу, о демәкдир ки, имканымыз 50 саатлыг норманы вермәјә јол вермәсә дә, илдә дөрд дәфә 30 саатлыг норманы јеринә јетирмәклә Јеһоваја «бол-бол шүкүр [сөјләјә]» биләрик (Мәз. 109:30; 119:171).
2. Рајон нәзарәтчисинин башчәкмәси заманы көмәкчи пионерләрин һансы имканлары олаҹаг?
2 Рајон нәзарәтчисинин башчәкмәси заманы. Артыг рајон нәзарәтчиси јығынҹаға баш чәкән заман даһа чох инсанын көмәкчи пионер кими хидмәт етмәк вә хидмәтдә онунла әмәкдашлыг едәрәк руһланмаг имканы олаҹаг (Ром. 1:11, 12). Бир чох көмәкчи пионерләр нәзарәтчи илә һәфтәарасы әмәкдашлыг едә биләрләр. Һәфтәарасы ишләјән көмәкчи пионерләр исә рајон нәзарәтчиси илә шәнбә вә ја базар ҝүнү хидмәтә јазыла биләрләр. Үстәлик, көмәкчи пионерләрин пионерләр үчүн олан ҝөрүшдә иштирак етмәләри онлары чох руһландыраҹаг.
3. Нәјә ҝөрә Хатирә ҝеҹәси вахты көмәкчи пионер кими хидмәт етмәк үчүн ҝөзәл имкандыр?
3 Март вә апрел ајларында. Әввәлләр Хатирә ҝеҹәси заманы анҹаг бир ај 30 саатлыг норма илә көмәкчи пионер кими хидмәт едән тәблиғчи инди өз «мәдһ гурбаны»ны икигат артыра биләр (Ибр. 13:15). Һәм март, һәм дә апрел ајы хидмәтимизи ҝенишләндирмәк үчүн ҝөзәл вахтдыр. Һәр ил бу ајлар әрзиндә биз инсанлары Хатирә ҝеҹәсинә дәвәт етмәк ишиндә иштирак едирик. Бундан әлавә, бир чохлары бу ајларда хидмәтләрини ҝенишләндирдикләри үчүн даһа чох тәблиғчи илә әмәкдашлыг едә биләрик. Хатирә ҝеҹәсиндән сонра бу мәрасимә ҝәләнләрә баш чәкә вә онлары хүсуси мәрузәни динләмәјә дәвәт едә биләрик. Бәс үрәјин сәни бу јени имканлардан истифадә едиб көмәкчи пионер кими хидмәт етмәјә тәшвиг едәҹәкми? (Лука 6:45).