РӘҺБӘРЛИК ШУРАСЫНЫН МӘКТУБУ
Ағанын евиндәки әзиз гуллугчулар!
Бу әламәтдар илин әввәлиндә сизә јазмаг бизә неҹә дә хошдур! 2014-ҹү илин сонларында бизим севимли Падшаһымыз Иса Мәсиһин өз дүшмәнләринин арасында идарә етмәјә башламасынын дүз бир әсри тамам олаҹаг (Мәз. 110:1, 2).
Бу хидмәт илинин әввәлиндә Ҝөзәтчи Гүлләси, Мүгәддәс Китаб вә Трактатлар Ҹәмијјәтинин (Пенсилванија) Мүгәддәс Китабын Јени Дүнја Тәрҹүмәси Комитәси Мүгәддәс Китабын инҝилис дилиндән јениләнмиш, кејфијјәтли тәрҹүмәсини тәгдим етди. Јеһова руһдан доғулан оғуллары васитәсилә орижинал Јени Дүнја тәрҹүмәсини әрсәјә ҝәтирди (Ром. 8:15, 16). Елә бу фактын өзү бу тәрҹүмәни хүсусиләшдирир, елә дејилми?
Узун илләрдир ки, Рәһбәрлик Шурасынын Јазы комитәси Мүгәддәс Китабын тәрҹүмәси үзәриндә ҹидди чалышыб. Һал-һазырда Јени Дүнја тәрҹүмәси там вә ја гисмән 121 дилә тәрҹүмә едилиб. Биз сизи Јеһованын сизә вердији Мүгәддәс Китаба ҝөрә Она өз дәрин миннәтдарлығынызы билдирмәјә тәшвиг едирик. Ону һәр ҝүн охујуб үзәриндә дүшүнүн. Бунунла сиз онун Мүәллифинә, Јеһова Аллаһа даһа да јахынлашаҹагсыныз (Јаг. 4:8).
Дәјәрли баҹы-гардашларымызын тәгибләрлә үзләшдијини ешидәндә үрәјимиз парам-парча олур. Дүздүр, бәзән онлара иман баҹы-гардашлары илә бирҝә севинмәк чәтин ҝәлә биләр. Мәсәлән, Асијада јашајан бир ана гәфләтән тамам ифлиҹ оланда аиләси пәришан вәзијјәтә дүшдү. Һәкимләр она бир чарә гыла билмәдиләр. Бу, олдугҹа бөјүк дәрддир! Әри 24 саат арвадынын башынын үстүндән ајрылмыр. Оғлу вә ики гызы валидејнләринә дајаг олмагла, әсил мәсиһчи кими нүмунә гојурлар. Бу мөһкәм аилә, еләҹә дә бир чох чәтинликләринин өһдәсиндән ҝәлән сизләр иман сынағына таб ҝәтирмәјин бәхш етдији севинҹи дуја биләрсиниз (Јаг. 1:2—4). Јеһова мәсһ олунмушлары вә башга гојунлары әмин едир ки, сынаглар гаршысында әјилмәдијимизә ҝөрә хошбәхт олаҹағыг, чүнки бизи гаршыда әбәди һәјат әнамы ҝөзләјир! (Јаг. 1:12).
Кечән ил Хатирә ҝеҹәсиндә 19 241 252 нәфәр иштирак етмишдир. Аллаһын халгынын һәр ил кечирдији ән әламәтдар мәрасимдә бу гәдәр инсанын иштирак етмәклә Јеһованы вә Иса Мәсиһи уҹалтмасыны ҝөрмәк бизи фәрәһләндирир. Хатирә ҝеҹәси заманы март, апрел ајларында милјонларла тәблиғчинин пионер кими хидмәт етмәси бүтүн дүнјаја Аллаһы мәдһ едән бөјүк һарај салды. Бу, неҹә дә валеһедиҹидир! Јәгин сиз рајон нәзарәтчиси март, апрел ајындан башга диҝәр ајларда да јығынҹаға баш чәкәркән көмәкчи пионер кими хидмәт едәнләрин пионерләрлә ҝөрүшдә ахыра кими отура биләҹәјини ешидәндә чох севиндиниз. Руһани дәрракәјә малик олан инсан тәблиғдә вә јығынҹағын ишләриндә фәал олмағын ваҹиблијини анлајыр. Бу ишләрлә мәшғул олмаг бизә гәтијјәтли галмаға, гәлб раһатлығына малик олмаға, о ҹүмләдән Иблисин тәклифләринин иманымызы зәифләтмәмәсинә вә бизи аздырмамасына көмәк едәҹәк (1 Кор. 15:58).
Өтән хидмәт илиндә 277 344 нәфәрин Јеһоваја һәср олунуб вәфтиз олунмаларыны вә бүтүн дүнјадакы гардашлары илә бирҝә һәјат јолуна гәдәм гојмаларыны билмәк неҹә дә севиндириҹидир! (Мат. 7:13, 14). Бу јени баҹы-гардашлар «иманда сарсылмаз» олсунлар дејә биз онлара дәстәк олмалыјыг (Колос. 2:7). Ахыра кими дөзмәк үчүн бир-биринизи руһландырмаға давам един (Мат. 24:13). «Гәмҝинләрә тәскинлик верин, зәифләрә дајаг олун вә һамыја гаршы сәбир ҝөстәрин» (1 Салон. 5:14). Сонда, ҝәлин һәр биримиз Јеһоваја «даима дуа» едәрәк дејәк: «Гој падшаһлығын ҝәлсин» (1 Салон. 5:17; Мат. 6:10).
Бу илин «Иллик мәҹмуә»ни охујун вә әмин олун ки, биз Јеһованын севимлиси олан сизләрин һәр бирини чох-чох севирик!
Сизин гардашларыныз,
Јеһованын Шаһидләринин Рәһбәрлик Шурасы