Әсас дәрс вәсаитиндән һәртәрәфли истифадә ет
Дәрс кечдијимиз адам Мүгәддәс Китабын тәлимләрини өјрәниб һәјатында тәтбиг етдикҹә инкишаф едәҹәк вә руһани бәһрәләр ҝәтирәҹәк (Зәб. 1:1—3). Әсас дәрс вәсаитиндән һәртәрәflи истифадә етсәк, шаҝирдә инкишаф етмәјә көмәк едә биләҹәјик.
Ҝириш суаллары. Һәр фәслин әввәлиндә һәмин фәсилдә ҹавабланан суаллар јазылыб. Шаҝирддә арашдырылаҹаг материала мараг ојатмаг үчүн бу суаллары сәсләндирмәк олар. Јахуд да ондан суаллара гысаҹа ҹаваб вермәсини хаһиш едә биләрсән. Сәһв ҹаваб версә, дәрһал дүзәлиш етмәк лазым дејил. Онун ҹавабларындан баша дүшәҹәксән ки, нәләрә диггәт ҝөстәрмәк, һансы мәгамлары вурғуламаг лазымдыр (Мәс. 16:23; 18:13).
Әлавәләр. Әҝәр инсан фәсли баша дүшүб вә өјрәндикләри илә разылашыбса, онда она тапшырмаг олар ки, әлавәләр бөлмәсиндәки мөвзу илә әлагәли материалы өзү арашдырсын. Нөвбәти дәрсдә исә бир нечә дәгигә әрзиндә материалы баша дүшүб-дүшмәдијини јохламаг олар. Анҹаг бирҝә арашдырмағыныз шаҝирд үчүн даһа фајдалы олаҹагса, онда дәрс вахты абзаслары охујараг вә габагҹадан һазырладығын суаллары верәрәк әлавәләр бөлмәсиндәки мәгаләни мүзакирә един.
Тәкрар үчүн чәрчивә. Һәр фәслин сонунда олан тәкрар үчүн чәрчивәдә фәслин әввәлиндәки ҝириш суалларынын ҹавабы јазылыб. Бу чәрчивәнин көмәјилә шаҝирдин материалы баша дүшдүјүнә вә әсас fiкирләри изаһ едә биләҹәјинә әмин ола биләрсән. Чәрчивәдәки һәр ҹавабы вә јанындакы ајәләри уҹадан оху. Сонра исә шаҝирддән хаһиш ет ки, ајәләрин көмәјилә бу ҹавабын нәјә ҝөрә дүз олдуғуну изаһ етсин (Һәв. 17:2, 3).