Тәлим вермәјә јахшы һазырлаш
1. Мүгәддәс Китаб өјрәнмәси кечирәркән нәјә ҝөрә әсас диггәти инсанын үрәјиндә миннәтдарлыг һисси ојатмаға јөнәлтмәлијик?
1 Мүгәддәс Китаб өјрәнмәси кечирәркән өјрәнәни Јеһоваја хидмәт етмәјә тәшвиг етмәк истәјириксә, јахшы һазырлашмалыјыг. Өјрәнәнин үрәјиндә Мүгәддәс Китабдан өјрәндикләринә гаршы миннәтдарлыг һисси јаратдығымыз тәгдирдә сәјләримиз сәмәрә ҝәтирәҹәк. Миннәтдарлыг һисси өз нөвбәсиндә ону һәрәкәтә тәшвиг едәҹәк (Ганун. т. 6:5; Сүл. мәс. 4:23; 1 Кор. 9:26). Бәс буна неҹә наил ола биләрик?
2. Дуа өјрәнмәјә һазырлашмагда бизә неҹә көмәк едә биләр?
2 Өјрәнмә кечирмәјә дуа едәрәк һазырлаш. Һәгигәт тохумуну өјрәнәнин үрәјиндә Јеһова јетишдирдијиндән, өјрәнмәјә һазырлашмаздан өнҹә өјрәнән вә онун конкрет тәләбатлары үчүн дуа етмәк јахшы оларды (1 Кор. 3:6; Јаг. 1:5). Һәмчинин белә дуа она Јеһованын ирадәси һагда дәгиг билији даһа неҹә верә биләҹәјимизи мүәјјән етмәкдә бизә көмәк едәҹәк (Колос. 1:9, 10).
3. Шаҝирд һагда дүшүнәрәк неҹә һазырлаша биләрик?
3 Өјрәнәни нәзәрә ал. Иса билирди ки, сәмәрәли шәкилдә өјрәтмәк үчүн динләјиҹини дә нәзәрә алмаг лазымдыр. Ән азы ики һадисәдә Исаја ејни суалы вермишдиләр: «Әбәди һәјаты мирас алмаг үчүн мән нә етмәлијәм?» Һәр дәфә ҹаваб верәркән о, мүхтәлиф јанашма үсулундан истифадә етмишди (Лука 10:25-28; 18:18-20). Һазырлашаркән өјрәнәнин тәләбатлары һагда дүшүнмәк лазымдыр. Өјрәнмә заманы ҝәтирилән ајәләрдән һансыны охујаҹағыг? Кечәҹәјимиз материалын һәҹми нә гәдәр олаҹаг? Һансы мәгамлары баша дүшмәк вә гәбул етмәк өјрәнәнә чәтин ола биләр? Әҝәр онун галдыра биләҹәји суаллары тәхмин едә билсәк, јахшы ҹаваб вермәк үчүн һазырлаша биләрик.
4. Јахшы һазырлыға нә дахилдир?
4 Материалы нәзәрдән кечир. Бәлкә дә, арашдыраҹағымыз материалы әввәлләр дәфәләрлә өјрәнмишик, амма бу шаҝирдлә ону илк дәфәдир ки кечирик. Әҝәр онун үрәјинә тәсир етмәк истәјириксә, һәр дәрсә јахшы һазырлашмалыјыг. Бу о демәкдир ки, биз өјрәнәни адәтән нәјә тәшвиг едириксә, ејни шеји өзүмүз дә етмәлијик. Өјрәнән һагда дүшүнәрәк, ҝәтирилән ајәләр дә дахил олмагла, материалы нәзәрдән кечир вә әсас фикирләрин алтындан хәтт чәк (Ром. 2:21, 22).
5. Јеһованы неҹә тәглид едә биләрик?
5 Јеһова Мүгәддәс Китабы өјрәнән һәр бир кәсин инкишафы илә јахындан марагланыр (2 Пет. 3:9). Һәр бир өјрәнәнлә дәрс кечмәјә һазырлашмаг үчүн вахт ајыранда биз дә мәһәббәтлә инсанларын гајғысына галдығымызы ҝөстәририк.