САХЛАЈЫН
Мүгәддәс Китабы өјрәнәнләрә руһән бөјүмәкдә көмәк едирик
Бу әлавә вәрәгәдә «Бизим Падшаһлыг Хидмәтимиз»дә «Мүгәддәс Китабы өјрәнәнләрә руһән бөјүмәкдә көмәк едирик» башлығы алтында дәрҹ олунан мәгаләләр силсиләсиндән әсас фикирләр верилир. Биз һәр кәси бу әлавә вәрәгәни сахламаға вә Мүгәддәс Китаб өјрәнмәси заманы истифадә етмәјә тәшвиг едирик. Һәмчинин бурада ҝәтирилән фикирләри тәблиғ хидмәти үчүн ҝөрүшләрдә мүзакирә етмәк вә хидмәти нәзарәтчи китабөјрәнмәләрә баш чәкән заман истифадә етмәк олар.
Ы һиссә. Мүгәддәс Китаб өјрәнмәси нәдир?
Әҝәр сән мүнтәзәм олараг, гыса да олса, Мүгәддәс Китабын вә мәсләһәт олунан көмәкчи вәсаитләрдән биринин көмәји илә киминләсә Мүгәддәс Китаб ајәләрини мүзакирә едирсәнсә, демәли, Мүгәддәс Китаб өјрәнмәси кечирирсән. Әҝәр өјрәнмәнин давам едәҹәјинә әсасын варса вә Мүгәддәс Китабы неҹә өјрәнмәји ҝөстәрдијин вахтдан бәри артыг ики дәфә дәрс кечмисәнсә, өјрәнмә һаггында һесабат вермәк олар (км 7.04, с. 1).
Мәсләһәт ҝөрүлән нәшрләр
◼ «Аллаһ биздән нә тәләб едир?»
◼ «Әбәди һәјата апаран билик»
◼ «Јеҝанә һәгиги Аллаһа ибадәт един» (рус.)
◼ «Сән, Аллаһын досту ола биләрсән!» (Мүгәддәс Китабы аз тәһсилли вә савады олмајанларла өјрәнмәк үчүн)
ЫЫ һиссә. Өјрәнмәјә һазырлыг
Мә’луматы елә тәгдим етмәк лазымдыр ки, өјрәнәнин үрәјинә јол ачсын. Бунун үчүн, јахшы һазырлашмаг вә өјрәнәнләрин һәр биринә хүсуси јанашмаг тәләб олунур (км 8.04, с. 1).
Һазырлыға дахил олан аддымлар
◼ Дәрсин вә ја фәслин башлығыны, јарымсәрлөвһәләрини вә шәкилләрини нәзәрдән кечир.
◼ Чап едилмиш суалларын ҹавабларыны тап вә јалныз әсас сөз вә ја ифадәләри гејд ет.
◼ Өјрәнмә заманы һансы ајәләри охујаҹағынызы габагҹадан мүәјјән ет. Өјрәнилән нәшрин вәрәгләринин кәнарында гыса гејдләр ет.
◼ Әсас фикирләрин гыса тәкрарыны һазырла.
Өјрәнәнин тәләбатларыны нәзәрә алмаг
◼ Өјрәндијин адам һаггында вә она неҹә көмәк едәҹәјин барәдә дуа ет.
◼ Өјрәнәнин нәји баша дүшмәјәҹәјини, һансы суаллары верәҹәјини, нә илә разылашмагда чәтинлик чәкәҹәјини габагҹадан ҝөрмәјә чалыш.
◼ Өзүндән соруш: «Руһән бөјүмәк үчүн о нәји дәрк етмәлидир вә ја нәјин үзәриндә ишләмәлидир? Мән онун үрәјинә неҹә јол тапа биләрәм?»
◼ Өјрәнән адамын мүәјјән фикри вә ја ајәни баша дүшмәсинә көмәк етмәк үчүн, бә’зән әјани мисал, јахшы изаһат, ја да бир нечә суал һазырламаг лазым ҝәлә биләр.
ЫЫЫ һиссә. Мүгәддәс Јазылардан мәһарәтлә истифадә едирик
Мүгәддәс Китаб өјрәнмәси кечирмәкдә мәгсәдимиз шаҝирдләр һазырламагдыр. Биз буна, инсанларын Аллаһын Кәламындакы тә’лимләри баша дүшмәләринә, гәбул етмәләринә вә онлары һәјатларында тәтбиг етмәләринә көмәк етмәклә наил ола биләрик (Мат. 28:19, 20; 1 Салон. 2:13). Бу сәбәбдән, өјрәнмә заманы диггәт әсас е’тибарилә Мүгәддәс Јазылара јөнәлдилмәлидир (км 11.04, с. 4).
Диггәти әсас е’тибарилә Аллаһын Кәламына јөнәлтмәк
◼ Өјрәнәнә лазыми ајәләри өз Мүгәддәс Китабында тапмағы өјрәт.
◼ Е’тигадларымызын Мүгәддәс Китаба әсасландығыны ҝөстәрән ајәләри габагҹадан нәзәрдән кечир вә өјрәнмә заманы онлары мүзакирә ет.
◼ Суаллардан истифадә ет. Өјрәнән адама Мүгәддәс Китаб ајәләрини өзүн изаһ етмәк әвәзинә, гој о өзү онлары сәнә баша салсын.
◼ Садә даныш. Һәр бир ајәни һәртәрәфли изаһ етмәјә чалышма. Јалныз мүзакирә олунан мөвзуја аидијјәти олан ајәләри дахил ет.
◼ Практики фајданы изаһ ет. Өјрәнәнин Мүгәддәс Китаб ајәләринин шәхсән она неҹә аид олдуғуну ҝөрмәсинә көмәк ет.
ЫВ һиссә. Өјрәнәнләри һазырлашмаға өјрәдирик
Адәтән дәрси габагҹадан охујан, ҹаваблары гејд едән вә фикирләри өз сөзләри илә ифадә етмәјин үзәриндә дүшүнән инсанлар руһән тез инкишаф едирләр. Буна ҝөрә дә, өјрәнмәни мүнтәзәм олараг кечирмәјә башлајанда, мәшғәләјә неҹә һазырлашмағы ҝөстәрмәк үчүн, дәрсләрдән биринә өјрәнән адамла бирликдә һазырлашмаг лазымдыр. Бир чохлары илә бүтөв бир фәсли вә ја дәрси бирҝә һазырлашмаг фајдалы олаҹагдыр (км 12.04, с. 1).
Ишарә вә гејдләр етмәк
◼ Чап едилмиш суалларын дүзҝүн ҹавабларыны неҹә тапмағы изаһ ет.
◼ Мүгәддәс Китабы өјрәнмәк үчүн истифадә олунан нәшрдә ачар сөзләри вә ифадәләри гејд етдијин шәхси нүсхәни өјрәнәнә ҝөстәр.
◼ Она бу ајәләрин һәр биринин абзасдакы фикирлә неҹә бағлы олдуғуну ҝөрмәјә көмәк ет. Өјрәнилән әдәбијјатын кәнарларында гыса гејдләри неҹә етмәји ҝөстәр.
Гыса хүласә вә тәкрар
◼ Өјрәнмәјә һазырлашмаға башламаздан әввәл, өјрәнән адамын дәрсин башлығыны, јарымсәрлөвһәләрини вә шәкилләрини нәзәрдән кечирмәклә, мөвзунун гыса иҹмалыны неҹә етмәк лазым ҝәлдијини ҝөстәр.
◼ Өјрәнәни ахырда әсас фикирләри тәкрарламаға тәшвиг ет.
В һиссә. Бир мәшғәлә әрзиндә нә гәдәр материал кечмәји мүәјјән етмәјин үсулу
Мүзакирә олунаҹаг материалын һәҹми һәм өјрәдәнин, һәм дә өјрәнәнин габилијјәтиндән вә шәраитиндән асылыдыр (км 1.05 с. 1).
Мөһкәм иман ашыла
◼ Өјрәнән адамын материалы јахшы баша дүшмәси, гыса вахт әрзиндә чох материал кечмәкдән даһа ваҹибдир.
◼ Өјрәнән адамын Аллаһын Кәламындан өјрәндикләрини баша дүшмәсинә вә гәбул етмәсинә көмәк етмәк үчүн она лазыми гәдәр вахт ајыр.
◼ Мүгәддәс Китаб тә’лимләринин әсасландығы ачар ајәләри мүзакирә етмәк үчүн кифајәт гәдәр вахт ајыр.
Мөвзудан јајынма
◼ Әҝәр өјрәнән адам өз шәхси нараһатчылыглары илә бөлүшмәјә мејллидирсә, онда онлары мәшғәләдән сонра мүзакирә етмәји тәклиф етмәк олар.
◼ Өјрәнмә заманы өзүн чох данышма. Әлавә фикирләрә вә ја мараглы һадисәләрә чох вахт сәрф етмә, чүнки онлар өјрәнәнин Мүгәддәс Китабын әсас тә’лимләрини мәнимсәмәсинә мане ола биләр.
ВЫ һиссә. Өјрәнән адам суаллар верәндә нә етмәк лазымдыр?
Мүнтәзәм олараг Мүгәддәс Китаб өјрәнмәси кечирилирсә, бир мөвзудан о бири мөвзуја кечмәк әвәзинә, Мүгәддәс Китабын тә’лимләрини ардыҹыл сурәтдә мүзакирә етмәк даһа јахшы оларды. Бунун сајәсиндә, өјрәнән инсан дәгиг билијин тәмәлини гојаҹаг вә руһән инкишаф едәҹәк (км 2.05, с. 6).
Дәрракәли ол
◼ Өјрәнилән материалын мүзакирәсинә аид олан суаллара адәтән дәрһал ҹаваб вермәк олар.
◼ Верилән суал өјрәнилән материала аид дејилсә, јахуд тәдгигат апармаг лазым ҝәлирсә, ону башга вахт мүзакирә етмәк олар. Белә суаллары гејд дәфтәрчәсинә јазмаг олар.
◼ Әҝәр өјрәнән адам мүәјјән тә’лими гәбул етмәкдә чәтинлик чәкирсә, һәмин мөвзуја даир әлавә мә’луматы нәзәрдән кечирмәк олар.
◼ Әҝәр өјрәнән јенә дә өз фикриндә галарса, мөвзунун мүзакирәсини башга вахта кечир вә онунла өјрәнмәни давам етдир.
Тәвазөкар ол
◼ Әҝәр өјрәнән адамын вердији суалын ҹавабыны билмирсәнсә, шәхси фикрини сөјләмә.
◼ Өјрәнәнә тәдриҹән арашдырмалар апармағы өјрәт.
ВЫЫ һиссә. Мүгәддәс Китаб өјрәнмәсиндә дуа етмәк
Мүгәддәс Китабы өјрәнән инсанларын руһән инкишаф етмәләри үчүн Јеһованын хејир-дуасы ваҹибдир. Буна ҝөрә дә өјрәнмәни дуа илә башламаг вә гуртармаг мүнасибдир (км 3.05, с. 8).
Дуа етмәји неҹә башламалы?
◼ Аллаһа инанан инсанларла бирликдә дуа етмәји елә биринҹи мәшғәләдән башлаја биләрик.
◼ Башга адамларла исә дуа етмәјә башламаг үчүн мүнасиб вахт сечмәк лазым ҝәлә биләр.
◼ Нә үчүн дуа етдијимизи изаһ етмәк үчүн Мәзмур 25:4, 5 вә 1 Јәһја 5:14 ајәләриндән истифадә етмәк олар.
◼ Јеһоваја Иса Мәсиһин васитәсилә дуа етмәјин нәјә ҝөрә ваҹиб олдуғуну изаһ етмәк үчүн Јәһја 15:16 ајәсини охумаг олар.
Нә һагда дуа етмәк олар?
◼ Јеһованы нәсиһәт Мәнбәји кими мәдһ етмәјимиз мүнасибдир.
◼ Өјрәнән адама сәмими мараг ҝөстәр.
◼ Дуада Јеһованын истифадә етдији тәшкилата ҝөрә миннәтдарлығыны билдир.
◼ Мүгәддәс Китабы өјрәнән инсанын өјрәндикләрини һәјатында тәтбиг етмәк үчүн сәрф етдији гүввәјә Јеһовадан хејир-дуа вермәсини хаһиш ет.
ВЫЫЫ һиссә. Аллаһын тәшкилаты илә таныш едирик
Мүгәддәс Китаб өјрәнмәси кечирмәкдә мәгсәдимиз инсана јалныз Мүгәддәс Китаб тә’лимләрини чатдырмаг дејил, һәмчинин тәшкилатын бир һиссәси олмаға көмәк етмәкдир. Һәр һәфтә өјрәнмә заманы Јеһованын тәшкилаты һаггында һансыса фикирләри бөлүшмәк үчүн бир нечә дәгигә вахт ајыр (км 4.05, с. 8).
Јығынҹаг ҝөрүшләри
◼ Јығынҹағын һәр бир ҝөрүшү һагда даныш. Илк дәрсдән е’тибарән өјрәнәнләри бу ҝөрүшләрә ҝәлмәјә дә’вәт ет.
◼ Ҝөрүшдә ешитдијин мараглы фикирләрлә бөлүш.
◼ Хатирә Ҝеҹәси, конгресләр кечириләндә вә рајон нәзарәтчиси јығынҹағы зијарәт едәндә өјрәнәни бу ҝөрүшләрә ҝәлмәјә тәшвиг ет.
◼ Ҝөрүшләримизин неҹә кечдијини ҝөстәрмәк үчүн нәшрләримиздәки фотошәкилләрдән истифадә ет.
◼ Өјрәнәни «Јеһованын Шаһидләри. Онлар кимдирләр? Нәјә инанырлар?» (рус.) брошүрасыны охумаға тәшвиг ет.
Миннәтдарлыг һиссини инкишаф етдирмәк үчүн видеофилмләрдән истифадә ет
◼ «Јеһованын Шаһидләри. Адына лајиг тәшкилат» (рус.)
ЫХ һиссә. Гејри-рәсми сурәтдә тәблиғ етмәјә һазырлајырыг
Мүгәддәс Китабы өјрәнән кәсләр өјрәндикләринә иман едир вә бу һагда башгаларына данышмаға тәшвиг олунурлар (км 5.05, с. 1).
Онлары шаһидлик етмәјә тәшвиг ет
◼ О, достларындан вә ја аилә үзвләриндән кими исә өјрәнмәјә дә’вәт едә биләр.
◼ Онун әмәкдашларындан, синиф јолдашларындан вә ја танышларындан ким исә хош хәбәрә мараг ҝөстәрирми?
Е’тигадларыны бөлүшмәјә өјрәт
◼ Өјрәнмә заманы мүәјјән фикирләри мүзакирә едәрәк өјрәнәндән соруш: «Мүгәддәс Китабын көмәји илә сән буну аилә үзвләринә неҹә изаһ едәрдин?»
◼ Өјрәнәнә баша сал ки, башгаларына Аллаһ вә Онун нијјәтләри һаггында данышаркән, нәзакәтли вә меһрибан олмаг лазымдыр.
◼ Өјрәнән адам Мүгәддәс Китаба әсасланан е’тигадларымызы вә фәалијјәтимизи достларына вә аилә үзвләринә баша дүшмәјә көмәк етмәк үчүн «Јеһованын Шаһидләри. Онлар кимдирләр? Нәјә инанырлар?» (рус.) адлы брошүрадан истифадә едә биләр.
Х һиссә. Өјрәнәнләри евдән-евә тәблиғ етмәјә өјрәдирик
Ағсаггаллар Мүгәддәс Китабы өјрәнән адамын вәфтиз олунмамыш тәблиғчи олмаг үчүн һазыр олуб-олмадығыны мүәјјән етдикдән сонра, о, јығынҹагла бирликдә тәблиғ ишиндә иштирак едә биләр (км 6.05, с. 1).
Бирҝә һазырлыг
◼ Јени тәблиғчијә тәгдимәләри тапмаға көмәк ет.
◼ Јерли әразијә мүвафиг олан садә тәгдимәләр сеч.
◼ Ону тәблиғдә Мүгәддәс Китабдан истифадә етмәјә тәшвиг ет.
◼ Тәгдимәләри бир јердә мәшг един. Сизин әразидә ҝениш јајылмыш е’тиразын нәзакәтлә өһдәсиндән ҝәлмәк үсулуну ҝөстәр.
Бирҝә тәблиғ
◼ Гој өјрәнән сизин бирликдә һазырладығыныз тәгдимәни сәнин неҹә тәтбиг етдијини мүшаһидә етсин.
◼ Онун габилијјәт вә шәхсијјәтини нәзәрә ал. Бә’зи һалларда өјрәнәнин тәгдимәнин бир парчасыны демәси даһа јахшы оларды.
◼ Јени тәблиғчијә тәблиғ хидмәтиндә мүнтәзәм сурәтдә иштирак етмәси үчүн график гурмасына көмәк ет.
ХЫ һиссә. Јени тәблиғчиләри тәкрар башчәкмәләр етмәјә өјрәдирик
Тәкрар башчәкмә үчүн тәмәли илк сөһбәт заманы гојмаг лазымдыр. Јени тәблиғчини тәшвиг ет ки, инсанлара сәмими мараг ҝөстәрсин. Она јаваш-јаваш инсанлары сөһбәтә ҹәлб етмәји, онларын сөјләдикләри фикирләри динләмәји вә онлары нараһат едән шејләрә диггәт јетирмәји өјрәт (км 7.05, с. 1).
Тәкрар башчәкмәјә һазырлыг
◼ Јени тәблиғчијә инсанла илк дәфә нә һагда сөһбәт етдијинизи хатырлат вә инсана нәјин мараглы олуб-олмадығыны неҹә мүәјјән етмәји изаһ ет.
◼ Мүгәддәс Китабдан бир ајәни вә өјрәнмә кечирмәк үчүн олан нәшрдән мүнасиб бир абзасы әсас ҝөтүрәрәк, бирликдә гыса тәгдимә һазырлајын.
◼ Нөвбәти башчәкмә үчүн тәмәл гојмаг мәгсәдилә ачыг сахлајаҹағыныз суалы һазырлајын.
Ахырадәк сә’ј ҝөстәрин
◼ Өјрәнәни мараг ҝөстәрән инсанлара ләнҝимәдән тәкрар баш чәкмәјә тәшвиг ет.
◼ Өјрәнәнә адамларын чох вахт евләриндә тапылмадыгларыны вә бунун үчүн онларын јанына дәфәләрлә ҝәлмәк лазым ҝәлдијини де.
◼ Јени тәблиғчијә тәкрар ҝөрүш һаггында инсанла неҹә даныша биләҹәјини изаһ ет вә бу шәртә әмәл етмәјин нә дәрәҹәдә ваҹиб олдуғуну анламасына көмәк ет.
ХЫЫ һиссә. Јени тәблиғчијә Мүгәддәс Китаб өјрәнмәси башламағы вә апармағы өјрәдирик
Исаны тәглид едәрәк хидмәтини нүмунәви шәкилдә јеринә јетирмәк сәнин өзүн үчүн дә чох ваҹибдир. О, сәнин неҹә тәблиғ етдијини мүшаһидә едәрәк баша дүшәҹәк ки, тәкрар башчәкмәнин мәгсәди Мүгәддәс Китаб өјрәнмәсинә башламагдыр (км 8.05, с. 1).
Мүгәддәс Китабы өјрәнмәји тәклиф етмәк
◼ Өјрәнәнә изаһ ет ки, адәтән өјрәнмәнин неҹә кечирилдијини әтрафлы сурәтдә изаһ етмәк лазым ҝәлмир.
◼ Өјрәнмәнин неҹә кечирилдијини ҝөстәрмәк үчүн садәҹә олараг нәзәрдә тутулан нәшрдән бир-ики абзас мүзакирә етмәк кифајәтдир.
◼ Мүгәддәс Китаб өјрәнмәсини неҹә башламағы ҝөстәрән бир нечә тәгдимәләри нәзәрдән кечирин вә бир јердә мәшг един (км 8. 05, с. 8; км 1.02, с. 6).
Өјрәнәнләрә мүәллим олмағы өјрәдирик
◼ Өјрәнәни Теократик Хидмәт Мәктәбинә јазылмаға тәшвиг ет.
◼ Јени тәблиғчинин тә’лим вермә габилијјәтини тәкмилләшдирмәси үчүн онунла бирҝә башга Мүгәддәс Китаб өјрәнмәләринә ҝетмәк һаггында сөзләш.