Хидмәтдә пүхтәләшәк. Мәктубу јахшы тәртиб един

НӘ ҮЧҮН ВАҸИБДИР? Булус диндашларыны руһландырмаг үчүн он дөрд мәктуб јазмышды. Коринфлиләрә јаздығы биринҹи мәктуб да бу мәктублардан биридир. Мәктуб јазанда адам сөзләри диггәтлә өлчүб-бичә билир. Мәктубу алан исә ону дөнә-дөнә охуја билир. Мәктуб гоһумлара вә таныш-билишә тәблиғ етмәк үчүн јахшы үсулдур. Бу үсул һәмчинин үз-үзә даныша билмәдијимиз инсанлара тәблиғ етмәк үчүн дә чох әлверишлидир. Мәсәлән, ола биләр, кимсә һәгигәтә мараг ҝөстәриб, амма ону евдә тапмаг чәтиндир. Әразиниздәки бәзи инсанлара тәблиғ етмәк чәтин ола биләр, чүнки онлар јахшы мүһафизә олунан биналарда, гапалы јашајыш комплексиндә, јахуд тәҹрид олунмуш јерләрдә јашајырлар. Мәктуб јазанда, хүсусән дә мәктубу танымадығыныз адама јазанда нәләри нәзәрә алмаг лазымдыр?

НЕҸӘ ЕТМӘЛИ?

• 

  Үз-үзә нә дејәрдинизсә, ону јазын. Мәктубун әввәлиндә өзүнүзү тәгдим един вә мәктубу нәјә ҝөрә јаздығынызы ајдын билдирин. Инсана дүшүнмәси үчүн суал верин вә веб-сајтымыза јөнләндирин. Сонра она инсанларла Мүгәддәс Китаб дәрси кечдијинизи билдирин, јахуд тәлим вәсаитләринин бириндән бәзи фәсилләрин адыны јазын. Мәктуба нәшр, мәсәлән, визит карт, дәвәтнамә вә ја буклет гоја биләрсиниз.

• Гыса јазын. Мәктуб узун-узады олса, охуҹу безә биләр (мәктуб формасына бахын).

• Јазыб гуртардыгдан сонра бир дә охујун, диггәт јетирин ки, мәтндә сәһв олмасын, мәктуб ајдын баша дүшүлсүн, нәзакәтли, достјана вә мүсбәт тонда олсун. Зәрфә лазым олан гәдәр марка вурун.