Јеһова бу һагда нә фикирләшир?

Истәр бөјүк, истәрсә дә кичик гәрар гәбул етмәздән әввәл биз өзүмүздән сорушуруг ки, ҝөрәсән, Јеһова нә фикирләшир. Дүздүр, биз һеч вахт Јеһованын дүшүнҹәсини ахыра кими дәрк едә билмәрик. Анҹаг бизим «һәр ҹүр јахшы ишә тамамилә һазыр» олмағымыз үчүн Јеһова Кәламында Өз дүшүнҹәсини јетәринҹә ачыглајыб (2Тм 3:16, 17; Рм 11:33, 34). Иса Јеһованын ирадәсини ајдын баша дүшүрдү вә ону һәјатында һәр шејдән үстүн тутурду (Јһ 4:34). Исадан нүмунә ҝөтүрәрәк ҝәлин биз дә Јеһованы разы салан гәрарлар вермәјә чалышаг (Јһ 8:28, 29; Еф 5:15—17).

«ЈЕҺОВАНЫН ИРАДӘСИНИ ДАИМА ГАВРАЈЫН (ЛВ 19:18)» АДЛЫ ВИДЕОЈА БАХАНДАН СОНРА НӨВБӘТИ СУАЛЛАРА ҸАВАБ ВЕРИН:

• Нәјә ҝөрә Мүгәддәс Китабдакы принсипләри һәјатымызда тәтбиг етмәлијик?

• Мусиги сечәркән һансы Мүгәддәс Китаб принсипләрини рәһбәр тутмалыјыг?

• Ҝејим вә хариҹи ҝөрүнүшүмүзлә бағлы һансы Мүгәддәс Китаб принсипләри әсасында гәрар вермәлијик?

• Башга һансы саһәләрдә Мүгәддәс Китаб принсипләрини тәтбиг етмәлијик?

• Јеһованын ирадәсини даһа јахшы гаврамаг үчүн нә етмәлијик?