Тәблиғ ҝөрүшләринин фајдалы кечмәси үчүн мәсләһәтләр

Тәблиғ ҝөрүшләри диҝәр јығынҹаг ҝөрүшләри кими Јеһовадан бир әнамдыр. Бу ҝөрүшләрдә биз бир-биримизи мәһәббәтә вә јахшы ишләрә тәшвиг едирик (Иб 10:24, 25). Тәблиғ ҝөрүшү 5—7 дәгигә чәкмәлидир. Бу вахт әрзиндә груп тәшкил олунмалы, саһә тәјин олунмалы вә дуа едилмәлидир. (Әҝәр бу ҝөрүш башга ҝөрүшдән сонра кечирилирсә, даһа гыса олмалыдыр.) Ҝөрүшү апаран гардаш һәмин ҝүн хидмәтә чыхан тәблиғчиләр үчүн практики мәлумат һазырламалыдыр. Мәсәлән, шәнбә ҝүнү чохлары һәфтә әрзиндә илк дәфә хидмәтә чыхдығы үчүн мүзакирә едә биләрсиниз ки, ев сакини илә нә барәдә данышмаг олар. Бәс башга нәләри мүзакирә етмәк олар?

• «Мәсиһи һәјаты вә ибадәти. Иш дәфтәри»ндән сөһбәт планы

• Сөһбәтә башламаг үчүн ҹари һадисәдән, јахуд сон хәбәрләрдән истифадә етмәјин үсулу

• Тез-тез раст ҝәлинән етиразын өһдәсиндән ҝәлмәјин үсулу

• Атеистә, тәкамүлчүјә, әҹнәбидилли инсана, әразиниздә ҝениш јајылмајан динә мәнсуб олан инсана ҹаваб вермәјин үсулу

• jw.org сајтындан, «JW Library^®» тәтбигиндән, јахуд Мүгәддәс Китабдан истифадә етмәјин үсулу

• «Хидмәт үчүн вәсаитләр»дәки һансыса бир вәсаитдән истифадә етмәјин үсулу

• Хидмәтин мүәјјән саһәси, мәсәлән, телефон хидмәти, мәктуб јазмаг, иҹтимаи шаһидлик, тәкрар сөһбәт вә ја Мүгәддәс Китаб дәрси

• Тәһлүкәсизлијә риајәт етмәк, вәзијјәтә ујғунлашмаг, нәзакәтли олмаг, мүсбәт әһвал-руһијјәни горумаг вә бу кими мөвзулар

• «Өзүнү охумаға вә тәлим вермәјә һәср ет» брошүрүндән бир дәрс вә ја видео

• Әмәкдашы руһландырмағын вә она көмәк етмәјин үсулу

• Хидмәтлә бағлы ајә вә ја хидмәт заманы баш вермиш руһландырыҹы һадисә