МӘСИҺИ ҺӘЈАТЫ
Мүгәддәс Китаб дәрси һагда видеолардан јарарланын
Мүгәддәс Китаб дәрси барәдә дөрд видео вар. Онларын һәр бири конкрет бир мәгсәдә хидмәт едир.
«Мүгәддәс Китабы өјрәнмәк нәјә ҝөрә ваҹибдир? Там версија». Дини етигадындан асылы олмајараг, инсанда Мүгәддәс Китаба мараг ојатмаг үчүндүр. Изләјиҹини һәјати ваҹиб суаллара Мүгәддәс Китабда ҹаваб ахтармаға тәшвиг едир вә бу кими суаллардан биринә гыса ҹаваб верилир. Видеода Мүгәддәс Китаб дәрси үчүн мүраҹиәт етмәјин үсулу ҝөстәрилир.
«Мүгәддәс Китабы өјрәнмәк нәјә ҝөрә ваҹибдир?» (гыса версија). Там версијанын ејнисидир. Садәҹә онун үчдә бири гәдәрдир. Бу видео инсанларын вахтынын аз олдуғу әразиләр үчүн әлверишлидир.
«Мүгәддәс Китаб дәрсләри неҹә кечирилир?» Инсанда Мүгәддәс Китаб дәрсинә мараг ојатмаг үчүн нәзәрдә тутулуб. Видеода дәрслә бағлы бәзи суаллара ҹаваб верилир вә дәрс үчүн мүраҹиәт етмәјин үсулу ҝөстәрилир.
«Мүгәддәс Китаб дәрси илә танышлыг». Бу видео Мүгәддәс Китаб дәрсинә башлајан инсана ҝөстәрилир. Видео «Әбәди хошбәхт һәјат!» китабынын икинҹи сәһифәсиндә тәгдим олунса да, ону «Әбәди хошбәхт һәјат!» брошүрүнү арашдыранда да ҝөстәрмәк олар. Видеода китабын мәзмуну нәзәрдән кечирилир вә дәрсин неҹә кечирилдији изаһ олунур.
Һәр видеонун өз мәгсәди олса да, јери дүшәндә һәр бирини кимәсә ҝөстәрмәк вә ја ҝөндәрмәк олар. Јахшы олар ки, тәблиғчиләр бу видеоларла јахшы таныш олсунлар вә хидмәтдә онлардан истифадә етсинләр.