Һамыны дүшүндүрән суал

Һеч вахт олмадығыныз бир јерә сәјаһәт етмәк истәсәјдиниз, нә едәрдиниз?

1. 1) Доғру билдијиниз истигамәтдә һәрәкәт едәрдиниз.

2. 2) Башгаларынын јолу таныдығына үмид едиб онларын ардынҹа ҝедәрдиниз.

3. 3) GPS-ә, хәритәјә бахардыныз, јахуд јолу таныјан достунуза үз тутардыныз.

Әҝәр биринҹи вә ја икинҹи варианты сечсәниз, сөзсүз, һараса ҝедиб чатаҹагсыныз, амма истәдијиниз јерә чатаҹағыныз дәгиг дејил. Ишдир, үчүнҹү варианты сечсәниз, мүтләг истәдијиниз јерә чатаҹагсыныз.

Һәјатымыз санки бир сәјаһәтдир. Биз бу сәјаһәтә хошбәхт ҝәләҹәк газанмаг үмиди илә чыхмышыг. Ону газанмаг үчүн гәрар верәркән һара үз тутдуғумуза фикир вермәлијик.

Дүздүр, вердијимиз әксәр гәрарлар аз әһәмијјәтлидир, амма елә гәрарлар да вар ки, олдугҹа өнәмлидир. Бу ҹүр гәрарлар бизим бахышларымызы, дәјәрләримизи әкс етдирир. Онларын бизә вә јахынларымыза узун мүддәт ја јахшы, ја да пис тәсири ола биләр. Сөһбәт ашағыдакы мәсәләләрлә бағлы гәрарлардан ҝедир:

• ҹинси мүнасибәт вә никаһ

• дүрүстлүк, иш вә пул

• өвлад тәрбијәси

• инсанларла мүнасибәт

Бу саһәләрдә вердијиниз гәрарларын сизә вә аиләнизә хошбәхтлик ҝәтирәҹәјини һарадан билә биләрсиниз?

Бу суал һамымыза мараглыдыр: Дүзҝүн гәрар вермәк үчүн һара үз тутум?

Журналын бу сајында өјрәнәҹәксиниз ки, Мүгәддәс Китаб нәјә ҝөрә етибарлы бәләдчидир вә сизә һәјатын һансы саһәләриндә көмәк едә биләр.