Никаһ өмүрлүк иттифагдыр

Хошбәхт мәсиһи аиләләри Јеһоваја шәрәф ҝәтирир, әрлә арвада исә севинҹ бәхш едир (Мр 10:9). Хошбәхт, мөһкәм аиләјә саһиб олмаг үчүн мәсиһиләр һәјат јолдашы сечәркән Мүгәддәс Китабдакы принсипләрә ујғун давранмалыдырлар.

Ҝәнҹлијин гајнар чағында еһтирас ҝүҹлү олур. Бу исә инсана дүзҝүн гәрарлар вермәјә мане олур. Она ҝөрә дә бу дөвр кечәндән сонра киминләсә ҝөрүшмәјә башлајын (1Кр 7:36). Субајлыг илләриндән ағылла истифадә един, Аллаһла мүнасибәтләринизи мөһкәмләндирин вә мәсиһи кејфијјәтләринә јијәләнин. Онда аиләнизин хошбәхт олмасына төһфә верә биләҹәксиниз.

Киминләсә аилә гурмаға разылыг вермәздән әввәл инсанын дахили варлығыны танымаға чалышын (1Бт 3:4). Әҝәр үрәјиниздә ҹидди шүбһәләр баш галдырырса, бу барәдә һәмин адамла сөһбәт един. Истәнилән мүнасибәтдә олдуғу кими, никаһда да инсаны биринҹи нөвбәдә өзүнүн нә әлдә едәҹәји дүшүндүрмәмәлидир, әксинә, о, гаршы тәрәфин хошбәхтлији үчүн әлиндән ҝәләни етмәлидир (Фп 2:3, 4). Әҝәр аилә гурмаздан әввәл Мүгәддәс Китаб принсипләринә әмәл етсәниз, онда хошбәхт аилә һәјаты үчүн ҝөзәл тәмәл гојаҹагсыныз.

«НИКАҺА ҺАЗЫРЛЫГ. III ҺИССӘ. МӘСРӘФЛӘРИ ҺЕСАБЛАЈЫН» АДЛЫ ВИДЕОЈА БАХАНДАН СОНРА СУАЛЛАРА ҸАВАБ ВЕРИН:

• Баҹынын Шејнлә мүнасибәти неҹә иди?

• Бәс вахт кечдикҹә о нәләри сезди?

• Валидејнләри она неҹә көмәк етди вә о һансы гәрары верди?