ДӘРС 60
Јеһова илә әбәдијјән дост олун
Дәрс кечдијиниз бу мүддәтдә Јеһова һаггында чох шеј өјрәнмисиниз. Өјрәндикләриниз үрәјиниздә Она гаршы севҝи ојадыб. Ола билсин, бу севҝи сизи һәјатынызы Јеһоваја һәср едиб, вәфтиз олунмаға тәшвиг едиб. Әҝәр һәлә бу аддымы атмамысынызса, јәгин ки, јахын ҝәләҹәкдә буну етмәк барәдә дүшүнүрсүнүз. Бир шеји унутмајын, сиз вәфтиздән сонра да Јеһоваја јахынлашмаға давам етмәлисиниз. Әслиндә, Јеһова илә достлуғу әбәдијјән мөһкәмләндирмәлијик. Буну неҹә едә биләрик?
1. Нәјә ҝөрә Јеһова илә достлуғунузу мөһкәмләндирмәјә давам етмәлисиниз?
Јеһова илә достлуғумузу мөһкәмләндирмәк үчүн һәмишә вар ҝүҹүмүзлә чалышмалыјыг. Әкс һалда, Ондан узаглашарыг (Ибраниләрә 2:1). Јеһоваја бундан сонра да сәдагәтлә хидмәт етмәјә бизә нә көмәк едә биләр? Тәблиғ ишиндә фәал олмаг вә һәр фүрсәтдән истифадә едиб хидмәтимизи ҝенишләндирмәк. (Филиппилиләрә 3:16 ајәсини охујун.) Јеһоваја хидмәт етмәк ән ҝөзәл һәјат јолудур! (Зәбур 84:10).
2. Даһа нә етмәлисиниз?
Артыг Мүгәддәс Китаб дәрсиниз баша чатыр, амма мәсиһи кими јашамаға бундан сонра да давам етмәлисиниз. Аллаһын Кәламында дејилир ки, биз «јени шәхсијјәтә» бүрүнмәлијик (Ефеслиләрә 4:23, 24). Мүгәддәс Китабы арашдырдыгҹа, јығынҹаг ҝөрүшләриндә иштирак етдикҹә Јеһова барәдә, Онун хүсусијјәтләри барәдә јени шејләр өјрәнәҹәксиниз. Чалышын ҝет-ҝедә Она даһа чох бәнзәјәсиниз. Јеһованын көнлүнү шад етмәк үчүн өзүнүздә даима лазыми дәјишикликләр един.
3. Јеһова сизә неҹә көмәк едәҹәк?
Мүгәддәс Китабда дејилир: «Аллаһ... тәлиминизи баша чатдыраҹаг, сизи ҝүҹлү, мәтин, сарсылмаз едәҹәк» (1 Бутрус 5:10). Һәр биримиз бизи ҝүнаһа сөвг едән вәзијјәтләрлә үзләширик. Амма Јеһова бизә бу вәзијјәтләрдән үзүағ чыхмаға көмәк едир (Зәбур 139:23, 24). О сөз верир ки, сәдагәтлә хидмәт едә биләк дејә гәлбимиздә һәм арзу ојадаҹаг, һәм дә бизә ҝүҹ верәҹәк. (Филиппилиләрә 2:13 ајәсини охујун.)
Д Ә Р И Н Л И Ј Ә В А Р Ы Н
Ҝөрүн бундан сонра да Јеһоваја јахынлашмаг үчүн нә едә биләрсиниз вә О сизә неҹә јар олаҹаг.
4. Ән јахшы Достунузла һәмишә үнсијјәт един
Дуа етмәјин вә Мүгәддәс Китабы арашдырмағын сајәсиндә Јеһова илә дост олмусунуз. Бәс бунлар Она даһа да јахынлашмаға сизә неҹә көмәк едә биләр?
Зәбур 62:8 ајәсини охујун вә нөвбәти суалы мүзакирә един:
Јеһова илә достлуғунузу мөһкәмләндирмәк үчүн дуаларынызда нәји дәјишә биләрсиниз?
Зәбур 1:2 ајәсини охујун вә нөвбәти суалы мүзакирә един:
Јеһова илә мүнасибәтинизи мөһкәмләндирмәк үчүн Мүгәддәс Китабын мүталиәсини неҹә јахшылашдыра биләрсиниз?
Фәрди мүталиәни даһа сәмәрәли етмәк үчүн нә едә биләрсиниз? ВИДЕОЈА бахын вә нөвбәти суаллары мүзакирә един:
Видеодакы һансы мәсләһәтләри тәтбиг едә биләрсиниз?
Һансы мөвзулары арашдырмаг истәјәрдиниз?
5. Гаршыныза руһани мәгсәдләр гојун
Руһани мәгсәдләр Јеһова илә мүнасибәтләринизи мөһкәмләндирмәјә көмәк едәҹәк. ВИДЕОЈА бахын вә нөвбәти суалы мүзакирә един:
Видеодакы баҹыја руһани мәгсәдләрин һансы фајдасы олду?
Һәр кәс тәблиғ етмәк үчүн башга өлкәјә көчә билмир. Амма һамымыз гаршымыза әлчатан мәгсәдләр гоја биләрик. Мәсәлләр 21:5 ајәсини охујун вә дүшүнүн ҝөрүн нөвбәти саһәләрлә бағлы гаршыныза һансы мәгсәдләри гоја биләрсиниз:
Јығынҹагла бағлы
Тәблиғ иши илә бағлы
Ајәдәки принсип мәгсәдләринизә чатмаға сизә неҹә көмәк едә биләр?
Нөвбәти мәгсәдләрә ҹан атын
Дуанызы јахшылашдырын.
Мүгәддәс Китабы әввәлдән ахыра кими охујун.
Јығынҹагда һамы илә таныш олун.
Мүгәддәс Китаб дәрси кечмәјә башлајын вә давам един.
Көмәкчи өнҹүл вә ја өнҹүл кими хидмәт един.
Әҝәр гардашсынызса, јығынҹаг хидмәтчиси олмаға ҹан атын.
6. Әбәди хошбәхт һәјат!
Зәбур 22:26 ајәсини охујун вә нөвбәти суалы мүзакирә един:
Һәм инди, һәм дә әбәдијјән хошбәхт јашамаг үчүн нә едә биләрсиниз?
ИҸМАЛ
Бундан сонра да Јеһова илә достлуғунузу мөһкәмләндирин вә гаршыныза руһани мәгсәдләр гојун. Белә етсәниз, әбәдијјән хошбәхт јашајаҹагсыныз!
Тәкрар
Нәјә ҝөрә әмин ола биләрсиниз ки, Јеһова сизә сәдагәтлә хидмәт етмәјә көмәк едәҹәк?
Јеһова илә достлуғунузу неҹә мөһкәмләндирә биләрсиниз?
Руһани мәгсәдләр Јеһоваја даһа да јахынлашмаға сизә неҹә көмәк едә биләр?
Ә Л А В Ә М Ә Л У М А Т
Јеһова үчүн нә даһа гијмәтлидир: иманымызы ҝөстәрмәк үчүн бир дәфә јаддагалан нәсә етмәк, јохса өмүрбоју сәдагәтлә хидмәт етмәк?
Һәтта Јеһованын садиг хидмәтчиси дә севинҹини итирә биләр. Ҝөрүн севинҹимизи неҹә гајтара биләрик.
Гаршыныза һансы руһани мәгсәдләр гоја биләрсиниз вә онлара чатмаг үчүн нә едә биләрсиниз?
«Гаршыныза Аллаһы шәрәфләндирән мәгсәдләр гојун» («Ҝөзәтчи гүлләси», 15 ијул 2004)
Нәјә ҝөрә мәсиһи үчүн јеткинлик ваҹибдир вә буна неҹә наил ола биләрсиниз?
«Јеткинлијә доғру тәрәгги ет —“Јеһованын мөһтәшәм ҝүнү јахындыр”» («Ҝөзәтчи гүлләси», 15 мај 2009)