Аллаһын ҝөзүндә ганын дәјәри

Ган ваҹиб функсијалары јеринә јетирир. Ган олмадан јашаја билмәрик. Бизи Аллаһ јаратдығы үчүн јалныз О дејә биләр ки, гандан неҹә истифадә етмәлијик. Бәс О, ган барәдә нә дејиб? Ганы јемәк вә ја көчүрмәк олар? Бу мәсәләдә дүзҝүн гәрары неҹә верә биләрсиниз?

1. Јеһова гана неҹә бахыр?

Гәдимдә Јеһова хидмәтчиләринә демишди: «Һәр бир ҹанлынын ҹаны онун ганыдыр» (Лавилиләр 17:14). Јеһованын ҝөзүндә ган ҹаны вә ја һәјаты тәмсил едир. Һәјат Аллаһдан олан мүгәддәс бәхшишдир, демәли, ган да мүгәддәсдир.

2. Аллаһ ганла бағлы нәји гадаған едир?

Јеһова мәсиһиликдән әввәл јашамыш салеһ бәндәләринә ган јемәмәји бујурмушду. (Јарадылыш 9:4 вә Лавилиләр 17:10 ајәләрини охујун.) Мәсиһи јығынҹағы тәсис олунандан сонра Аллаһ бу әмри тәкрарлады. Рәһбәрлик шурасы мәсиһиләрә ҝөстәриш верди: «Гандан... узаг дурун». (Һәвариләрин ишләри 15:28, 29 ајәләрини охујун.)

Гандан узаг дурмаг нә демәкдир? Әҝәр һәким сизә спиртли ичкидән узаг дурмағы тапшырырса, сиз спиртли ички ичмәјәҹәксиниз. Бәс тәркибиндә спирт олан гидалар јејәҹәксиниз? Јахуд бәдәнинизә венадан спирт өтүрәҹәксиниз? Сөзсүз ки, јох. Ејнилә дә, әҝәр Аллаһ гандан узаг дурмағы бујурурса, демәли, нә ган ичмәк олар, нә дә ганы ахыдылмамыш һејванын әтини јемәк олар. Биз һәмчинин тәркибинә ган гатылмыш гидалар да јемәмәлијик.

Бәс тибби мәгсәдлә гандан истифадә етмәк олар? Бәзи мүалиҹә үсуллары бирмәналы шәкилдә Аллаһын ганунуна зиддир. Бура бүтөв ганын, јахуд онун әсас компонентләриндән биринин, јәни гырмызы ган һүҹејрәләринин, ағ ган һүҹејрәләринин, тромбоситләрин вә ја плазманын көчүрүлмәси дахилдир. Елә мүалиҹә үсуллары да вар ки, онларын Аллаһын ганунуна зидд олуб-олмадығыны мүәјјән етмәк чәтин олур. Мәсәлән, бәзи мүалиҹә үсулларында ганын дөрд әсас компонентиндән биринин тәркиб һиссәләриндән (фраксијалардан) истифадә олунур. Бәзән исә мүалиҹә заманы инсанын өз ганындан истифадә олунур. Мүалиҹә үсулу сечәркән һәр кәс өзү гәрар вермәлидирa (Галатијалылара 6:5).

Д Ә Р И Н Л И Ј Ә  В А Р Ы Н

3. Аллаһы разы салан гәрар верин

Неҹә едә биләрсиниз ки, мүалиҹә илә бағлы гәрарыныз Аллаһа хош ҝетсин? ВИДЕОЈА бахын вә ашағыдакы аддымларын ваҹиблијини мүзакирә един:

ВИДЕО: «Мүалиҹә заманы ганла бағлы неҹә гәрар вермәли?» (5:47)

• Дуада Аллаһдан һикмәт диләјин (Јагуб 1:5).

• Мүгәддәс Китаб принсипләрини вә онларын вәзијјәтинизә неҹә аид олдуғуну арашдырын (Мәсәлләр 13:16).

• Јашадығыныз әразидә мөвҹуд олан үсулларла таныш олун.

• Һансы үсулларын сизин үчүн јолверилмәз олдуғуну мүәјјән един.

• Әмин олун ки, вердијиниз гәрара ҝөрә виҹдан әзабы чәкмәјәҹәксинизb (Һәвариләрин ишләри 24:16).

• Һеч кәс, һәтта һәјат јолдашыныз, ағсаггал, јахуд сизә дәрс кечән адам да виҹдан мәсәләсиндә сизин јеринизә гәрар вермәмәлидир (Ромалылара 14:12).

• Гәрарынызы јазылы шәкилдә тәсдигләјин.

4. Јеһованын Шаһидләри кејфијјәтли мүалиҹә үсуллары сечир

Јеһованын ганла бағлы ганунуна әмәл етмәк, ејни заманда кејфијјәтли, гандан истифадә едилмәјән үсулла мүалиҹә олунмаг мүмкүндүр. ВИДЕОЈА бахын.

ВИДЕО: «Профессор Др. Массимо Франки илә мүсаһибә» (1:36)

Титуса 3:2 ајәсини охујун вә нөвбәти суалы мүзакирә един:

• Нәјә ҝөрә һәкимләрлә мүлајимликлә вә нәзакәтлә данышмалыјыг?

Јолверилмәздир	Мәсиһи өзү гәрар верир
А. Плазма.	Плазманын тәркиб һиссәләри
Б. Ағ ган һүҹејрәләри.	Ағ ган һүҹејрәләринин тәркиб һиссәләри
В. Тромбоситләр.	Тромбоситләрин тәркиб һиссәләри
Г. Гырмызы ган һүҹејрәләри.	Гырмызы ган һүҹејрәләринин тәркиб һиссәләри

5. Ганын әсас компонентләринин тәркиб һиссәләри

Ган дөрд әсас компонентдән —гырмызы ган һүҹејрәләри, ағ ган һүҹејрәләри, тромбосит вә плазмадан ибарәтдир. Бу компонентләрин өзләри дә кичик һиссәләрдән ибарәтдирc. Тибдә компонентләрин бәзи тәркиб һиссәләриндән хәстәликләри мүалиҹә етмәк вә ганахманы дајандырмаг үчүн истифадә едилир.

Ганын әсас компонентләринин тәркиб һиссәләринә ҝәлдикдә, һәр мәсиһи өзү Мүгәддәс Китаба әсасән тәрбијә олунмуш виҹданына ујғун гәрар вермәлидир. Бәзи мәсиһиләр өзүнә компонентләрин тәркиб һиссәләрини дахил едән мүалиҹә үсулларыны рәдд едир. Диҝәрләринин виҹданы исә белә мүалиҹәни гәбул едир.

Гәрар верәркән нөвбәти суалларын үзәриндә дүшүнүн:

• Мән нәјә ҝөрә компонентләрин мүәјјән тәркиб һиссәләрини гәбул едирәм вә ја етмирәм? Буну һәкимә неҹә изаһ едәрәм?

ИҸМАЛ

Јеһова истәјир ки, ганы мүгәддәс һесаб едәк.

Тәкрар

• Нәјә ҝөрә ган Јеһованын ҝөзүндә мүгәддәсдир?

• Һарадан билирик ки, Аллаһын «гандан узаг дурун» әмри ганкөчүрмәјә дә аиддир?

• Гандан истифадә олунан мүалиҹә үсулу илә бағлы дүзҝүн гәрары неҹә верә биләрсиниз?

Ә Л А В Ә  М Ә Л У М А Т

Өз ганыныздан истифадә олунан тибби проседурла бағлы гәрар верәркән нәләри нәзәрә алмалысыныз?

«Охуҹуларын суаллары» («Ҝөзәтчи гүлләси», 1 феврал 2001)

Компонентләрин һансыса тәркиб һиссәсини гәбул едиб-етмәмәклә бағлы гәрар верәркән нәләри нәзәрә алмалысыныз?

«Охуҹуларын суаллары» («Ҝөзәтчи гүлләси», 15 ијун 2004)

Бир һәким Јеһованын гана бахышыны нәјә ҝөрә гәбул етди?

«Аллаһын гана бахышыны гәбул етдим» («Ојанын!», 8 декабр 2003)

Ҝөрүн Хәстәханаларла әлагә комитәсиндә хидмәт едән ағсаггаллар баҹы-гардашлара неҹә көмәк едир.

«Јеһова хәстәләрә дајаг олур» (10:23)