ДӘРС 19
Јеһованын Шаһидләри әсл мәсиһиләрдир?
Биз Јеһованын Шаһидләријик вә әсл мәсиһи олдуғумуза әминик. Белә дүшүнмәк үчүн әсаслы сәбәбләримиз вар. Ҝәлин ҝөрәк етигадымызын әсасыны нә тәшкил едир. Биз нәјә ҝөрә Јеһованын Шаһидләри адланырыг? Бир-биримизи севдијимиз нәдән ҝөрүнүр?
1. Јеһованын Шаһидләринин етигадынын әсасыны нә тәшкил едир?
Иса Мәсиһ Аллаһа дуа едәндә демишди: «Һәгигәт Сәнин сөзүндүр» (Јәһја 17:17). Иса Мәсиһ кими, Јеһованын Шаһидләри дә өз етигадларыны һәмишә Аллаһын Кәламына әсасландырыр. Ҝәлин мүасир тарихимизә нәзәр салаг. XIX әсрин сонларында бир груп инсан бирликдә јығышыб Мүгәддәс Китабы дәриндән арашдырмаға башлады. Бу инсанларын етигады Мүгәддәс Китабда јазыланлар әсасында формалашырды. Етигадларынын килсә тәлимләриндән фәргләнмәси онлары гәтијјән горхуја салмырды. Сонра онлар өјрәндикләрини башгаларына да данышмаға башладыларa.
2. Биз нәјә ҝөрә Јеһованын Шаһидләри адланырыг?
Јеһова Она ибадәт едән кәсләри шаһидләри адландырыр, чүнки онлар инсанлара Онун һаггында һәгигәти данышырлар (Ибраниләрә 11:4—12:1). Мәсәлән, гәдим дөврдә Аллаһ Өз хидмәтчиләринә демишди: «Сиз Мәним шаһидләримсиниз». (Әшија 43:10 ајәсини охујун.) Иса Мәсиһ «Садиг шаһид» адланыр (Вәһј 1:5). Бүтүн бунлары нәзәрә алараг, 1931-ҹи илдә биз Јеһованын Шаһидләри адыны ҝөтүрдүк. Бу ады дашымаг бизим үчүн бөјүк шәрәфдир.
3. Јеһованын Шаһидләри мәһәббәт ҝөстәрмәкдә Исадан неҹә өрнәк алыр?
Иса Мәсиһ шаҝирдләрини чох севирди. Онлара доғма аиләси кими јанашырды. (Марк 3:35 ајәсини охујун.) Бу ҝүн дә Јеһованын Шаһидләри арасында бирлик һөкм сүрүр. Онлар бүтүн дүнјаны әһатә едән бөјүк бир аиләнин үзвләридир. Буна ҝөрә дә биз бир-биримизә баҹы-гардаш дејирик (Филимона 1, 2). Биз һәмчинин бу әмрә дә табе олуруг: «Бүтүн гардашлығы севин» (1 Бутрус 2:17). Јеһованын Шаһидләри бу мәһәббәти әмәлдә ҝөстәрир. Мәсәлән, дүнјанын һансы јериндә баҹы-гардашларынын көмәјә еһтијаҹы олса, онлара јардым әли узадырлар.
Д Ә Р И Н Л И Ј Ә В А Р Ы Н
Јеһованын Шаһидләринин тарихинә јахындан нәзәр салын вә онларын әсл мәсиһи олдуғуну ҝөстәрән сүбутларла таныш олун.
Әсл мәсиһиләрин етигады Мүгәддәс Китаба әсасланыр вә онлар өјрәндикләрини инсанларла бөлүшүр
4. Етигадымызын әсасыны Мүгәддәс Китаб тәшкил едир
Јеһова габагҹадан демишди ки, Мүгәддәс Китабдакы һәгигәт ахырзаманда ашкара чыхаҹаг. Дәнјал 12:4 ајәсини вә һашијәни охујун. Сонра нөвбәти суалы мүзакирә един:
Аллаһын халгы Мүгәддәс Китабы арашдырдыгҹа нә чохалмалы иди?
Ҝөрүн бир груп инсан вә Чарлз Рассел адлы бир шәхс Мүгәддәс Китабы неҹә арашдырырды. ВИДЕОЈА бахын вә нөвбәти суалы мүзакирә един:
Чарлз Рассел вә јолдашлары Мүгәддәс Китабы неҹә арашдырырды?
Билирсиниз?
Бәзән биз мүәјјән тәлимләрә вердијимиз изаһаты јениләјирик. Нәјә ҝөрә? Неҹә ки ҝүнәш галхдыгҹа һава даһа да ишыгланыр вә әтрафдакы мәнзәрә ајдын ҝөрүнүр, Аллаһ да Өз Кәламыны бизләрә тәдриҹән ачыр. (Мәсәлләр 4:18 ајәсини охујун.) Бәли, Мүгәддәс Китаб дәјишмир, садәҹә биз Мүгәддәс Китабдакы һансыса тәлими даһа јахшы баша дүшәндә она вердијимиз изаһаты јениләјирик.
5. Дашыдығымыз ада лајиг јашајырыг
Нәјә ҝөрә биз Јеһованын Шаһидләри адыны ҝөтүрдүк? ВИДЕОЈА бахын вә нөвбәти суалы мүзакирә един:
Нәјә ҝөрә бизим Јеһованын Шаһидләри адланмағымыз мүнасибдир?
Нәјә ҝөрә Јеһова инсанлардан Өзүнә шаһид сечир? Чүнки Онун барәсиндә чохлу јаланлар вар. Тәк Аллаһ олан Јеһованын шаһидләри исә Онун һаггында һәгигәти бәјан едир. Ҝәлин бу ҝүн ҝениш јајылмыш јаланлардан икисинә нәзәр салаг.
Бәзи динләр өјрәдир ки, Аллаһ инсанлара ибадәтдә сурәтләрдән истифадә етмәји бујурур. Бәс бу фикир доғрудур? Лавилиләр 26:1 ајәсини охујун вә нөвбәти суаллары мүзакирә един:
Бу ајәдә һансы һәгигәт јер алыр? Јеһова бүтләрә неҹә јанашыр?
Бәзи дин хадимләри Исанын Аллаһ олдуғуну өјрәдир. Бәс бу фикир доғрудур? Јәһја 20:17 ајәсини охујун вә нөвбәти суаллары мүзакирә един:
Бу ајәдә һансы һәгигәт јер алыр? Иса Аллаһдыр?
Јеһова Өз шаһидләринә бујурур ки, Онун һагда вә Оғлу һагда һәгигәти тәблиғ етсинләр. Буну билмәк сиздә һансы һиссләри доғурур?
6. Биз бир-биримизи севирик
Мүгәддәс Китабда мәсиһиләр бир бәдәнин үзвләринә бәнзәдилир. 1 Коринфлиләрә 12:25, 26 ајәләрини охујун вә нөвбәти суаллары мүзакирә един:
Диндашлары әзаб чәкәндә әсл мәсиһиләр нә етмәлидир?
Јеһованын Шаһидләри арасында мәһәббәтин һөкм сүрдүјүнү нәдән ҝөрүрсүнүз?
Дүнјанын һансыса һиссәсиндә Јеһованын Шаһидләри әзаб чәкәндә бүтүн дүнјадакы Шаһидләр дәрһал көмәк әлини узадыр. Буна аид бир ВИДЕОЈА бахын. Сонра нөвбәти суаллары мүзакирә един:
Фәлакәт баш верәндә Јеһованын Шаһидләри мәһәббәти әмәлдә неҹә ҝөстәрирләр?
Әсл мәсиһиләр дарда оланлара мәһәббәт ҝөстәрир
БӘЗИ ИНСАНЛАР ДЕЈИР: «Јеһованын Шаһидләри јени јаранмыш диндир».
Јеһова Она ибадәт едән инсанлары нә вахтдан шаһидләри адландырыр?
ИҸМАЛ
Јеһованын Шаһидләри әсл мәсиһиләрдир. Биз бүтүн дүнјаны әһатә едән бөјүк бир аиләнин үзвләријик, етигадымыз Мүгәддәс Китаба әсасланыр. Биз Јеһова Аллаһ барәдә һәгигәти бәјан едирик.
Тәкрар
Нәјә ҝөрә биз Јеһованын Шаһидләри адыны ҝөтүрмүшүк?
Биз бир-биримизи севдијимизи неҹә ҝөстәририк?
Сизҹә, Јеһованын Шаһидләри әсл мәсиһиләрдир?
Ә Л А В Ә М Ә Л У М А Т
Тарихимиз барәдә даһа чох өјрәнин.
«Јеһованын Шаһидләри. Иманы әмәлдә ҝөрүнән халг. I һиссә: Зүлмәтдән гуртулуш» (1:00:53)
Ҝөрүн Јеһованын Шаһидләри јалан тәлимләри неҹә ифша едир.
Јеһованын Шаһидләри илә бағлы суалларыныза ҹаваб тапын.
«Јеһованын Шаһидләри һаггында тез-тез верилән суаллара ҹаваб» (веб-сәһифә)
Нифрәт һисси бир вахтлар Стефаны зоракы инсана чевирмишди. Амма Јеһованын Шаһидләриндә ҝөрдүјү бир шеј ону дәјишмәјә тәшвиг етди.
«Һәјатым ҝетдикҹә даһа да бетәр олурду» («Ҝөзәтчи гүлләси», 1 ијул 2015)
a Әсас журналымыз олан «Ҝөзәтчи гүлләси» 1879-ҹу илдән фасиләсиз олараг нәшр олунур вә Мүгәддәс Китабдакы һәгигәтләри ишыгландырыр.