Allah pisliyə nə üçün yol verir?

HARA baxsaq hər yerdə pislik və əzab-əziyyət hökm sürür. Müharibələrdə həm əsgərlər, həm də dinc əhali həlak olur. Cinayət və zorakılıq geniş yayılıb. Ola bilsin, siz də bu yaxınlarda qabaqcadan yaranmış mənfi rə’yin, yaxud ədalətsizliyin qurbanı olmusunuz. Gördüyünüz və yaşadığınız hadisələr, güman ki, sizi özünüzdən «Allah pisliyə nə üçün yol verir?» deyə soruşmağa vadar etmişdir.

Bu sual insanları ta qədimdən narahat edir. Təxminən 3 600 il bundan əvvəl, Allahın sadiq xidmətçisi Əyyub soruşmuşdu: «Pislər nə üçün yaşayır?» (Əyyub 21:7). Eramızdan əvvəl yeddinci əsrdə öz müasirlərinin pis əməllərinə görə narahat olan Yeremya peyğəmbər sual vermişdi: «Nə üçün pis adamlar əməllərində uğur qazanır, bütün xainlər dinc yaşayır?» (Yeremya 12:1). Əyyub da, Yeremya da Allahın ədalətli olduğunu bilirdi. Buna baxmayaraq, pisliyin bu qədər geniş yayılması onlarda çaşqınlıq yaradırdı. Ola bilsin, siz də eyni vəziyyətdəsiniz.

Bə’zi insanlar bütün pislik və əzabda Allahı günahlandırırlar. Digərləri soruşurlar: «Əgər Allah hər şeyə qadir, ədalətli və sevəndirsə, onda nəyə görə pisliyə və əzaba son qoymur? Nəyə görə pisliyin indiyədək davam etməsinə yol verir?» Növbəti məqalədə bu və digər vacib suallara cavab veriləcək.

[İcazə ilə]

AP Photo/Adam Butler