Müqəddəs Kitab öyrənməsi keçirmək üçün «Allahın məhəbbəti» kitabından necə istifadə etmək olar?

1. «Allahın məhəbbəti» kitabı hansı məqsədlə tərtib olunmuşdur?

¹ «Allahın ruhu bələdçimizdir» adlı vilayət konqresində «Özünüzü Allahın məhəbbətində saxlayın» adlı yeni kitabı almaq bizi necə də sevindirmişdi! Elan edildiyi kimi, bu nəşr bizə Müqəddəs Kitabın əsas ehkamlarını öyrətmək yox, Yehovanın təyin etdiyi davranış normalarını öyrənib sevməyə kömək etmək məqsədilə tərtib olunmuşdur. Bu kitab evdən-evə təbliğdə paylanılmayacaq.

2. Bu nəşrdən necə istifadə ediləcək və kimlərlə keçiriləcək?

² «Müqəddəs Kitab öyrədir» nəşrini bitirdikdən sonra ikinci nəşr kimi bu kitab keçiləcək. Unutma ki, hamı ruhani cəhətdən eyni sürətlə inkişaf etmir. Hər dərsdə öyrənən adamın mənimsəyə biləcəyi qədər material keçilməlidir. Əmin ol ki, öyrənən materialı yaxşı qavrayıb. Artıq bir neçə kitabı öyrənməyinə baxmayaraq, yığıncaq görüşlərinə gəlməyən və həyatını öyrəndiyi Müqəddəs Kitab həqiqətlərinə uyğunlaşdırmağa heç bir cəhd göstərməyən insanlarla bu kitabı keçmək lazım deyil.

3. Əgər hal-hazırda «Allaha ibadət edin» kitabı ilə öyrənmə keçiririksə, nə etməliyik?

³ Əgər hal-hazırda «Allaha ibadət edin» kitabı ilə öyrənmə keçirirsənsə və artıq axırıncı fəsillərdəsinizsə, ola bilsin, bu nəşri sonadək keçmək və öyrənəni «Allahın məhəbbəti» kitabını sərbəst oxumağa təşviq etmək qərarına gələsən. Əgər axıra çox qalıbsa, ən yaxşısı, yeni kitaba keçib, onu başdan öyrənməyə başlamaqdır. «Müqəddəs Kitab öyrədir» kitabı ilə olduğu kimi, bu zaman da əlavələr bölməsindəki mövzuları necə müzakirə edəcəyini seçmək hər kəsin öz ixtiyarındadır.

4. Öyrənən «Müqəddəs Kitab öyrədir» və «Allahın məhəbbəti» kitabını öyrənib qurtamazdan əvvəl vəftiz olsa, nə etmək lazımdır?

⁴ Öyrənən kitabların ikisini də öyrənib qurtarmazdan əvvəl vəftiz olunsa, «Allahın məhəbbəti» kitabını qurtarana kimi öyrənməni davam etdirmək lazımdır. Öyrənən vəftiz olmuş olsa da, saatı, təkrar başçəkməni və öyrənməni hesabata daxil etmək olar. Səni müşayiət edən və öyrənmədə iştirak edən təbliğçi də vaxtı hesabatına yaza bilər.

5.«Allahın məhəbbəti» kitabından qeyri-fəal təbliğçilərə kömək etmək üçün necə istifadə etmək olar?

⁵ Yığıncağın xidməti komitəsinin üzvü sənə qeyri-fəal təbliğçi ilə Müqəddəs Kitab öyrənməsi keçirməyi tapşırsa, ola bilsin, səndən «Allahın məhəbbəti» kitabının müəyyən fəsillərini araşdırmaq xahiş ediləcək. Belə öyrənmələri uzun vaxt ərzində keçirməyə ehtiyac yoxdur. Özümüzü «Allahın məhəbbətində» saxlamağa kömək etmək üçün tərtib olunan bu yeni kitab necə də gözəl vəsaitdir! (Yəhuda 21).