Xidmətdə püxtələşək. Şagirdə yaxşı araşdırma aparmağı öyrət
Nə üçün vacibdir? Ruhani cəhətdən yetkinləşmək üçün şagirdə öz ağlını və ürəyini Müqəddəs Kitabın əsas təlimləri ilə qidalandırmaq kifayət etmir (İbr. 5:12—6:1). Araşdırma çoxlu güc tələb edir. Araşdırmaq o deməkdir ki, biz yeni məlumatı artıq bildiyimiz məlumatla əlaqələndiririk və onun faydasını anlayırıq (Məs. 2:1—6). Şagird araşdırma aparmağı öyrənəndə nəşrlərimiz vasitəsilə Müqəddəs Kitab suallarına cavab tapacaq. Öyrəndiklərini əzmlə tətbiq etməyə başlayanda isə məsihi həyatında üzləşdiyi sınaqlara sinə gərə biləcək (Luka 6:47, 48).
Bu ay ərzində bunu etməyə çalış:
Yarımbaşlığın və ya fəslin sonunda şagirddən bir-iki cümlə ilə öyrəndiklərinin qısa icmalını etməyi xahiş et. Əgər heç kimə dərs keçmirsənsə, onda özün bir neçə cümlə ilə Müqəddəs Kitabdan oxuduğun parçanın və ya «Gözətçi qülləsi» jurnalından oxuduğun abzasın icmalını söylə. Beləliklə, qavrama qabiliyyətin yaxşılaşacaq.