Nümunə üçün təqdimələr

Ailə necə xoşbəxt ola bilər?

«Müqəddəs Kitabda olan məsləhətlər ailənin xoşbəxt olmasına kömək edə bilər. Çünki bu məsləhətlər ailənin banisi olan Yehova Allahdan gəlir. Müqəddəs Kitab bizə ailənin xoşbəxt olmasına kömək edən keyfiyyətlər aşılayır və bizi ailənin dağılmasına səbəb olan əməllərdən çəkindirir, həmçinin nikahda düzgün ünsiyyət qurmağı öyrədir». [Koloslulara 3:8​—⁠10, 12​—⁠14 ayələrini oxu.]

Yaxud belə demək olar: «Ərlə arvad bir-birinə hörmət etməlidir. Allahın ailədə onlara verdiyi vəzifələri yerinə yetirərlərsə, onlar mütləq xoşbəxt olacaqlar». [Koloslulara 3:​18, 19 ayələrini oxu.]

Ailə necə uzunömürlü ola bilər?

«Ərlə arvad bir-birini sevirlərsə, ayrılmayacaqlar. Allah bizə sevməyi öyrədir. Allah və İsa Məsih fədakar məhəbbət göstərməkdə mükəmməl nümunə qoyublar». [1 Yəhya 4:​7, 8, 19 ayələrini oxu.]

Yaxud belə demək olar: «Ərlə arvad nikaha Allahın yaratdığı bir ittifaq kimi baxırlarsa, onlar ayrılmayacaqlar. Allah nikahı kişi və qadın arasında daimi, sabit ittifaq olaraq təsis edib. Nikah uzunömürlü ola bilər. Çünki Allah kişi ilə qadını elə yaradıb ki, onlar həm fiziki, həm də emosional cəhətdən bir-birini tamamlayır. Allah həmçinin onları Öz bənzərində, sevmək bacarığı ilə yaradıb». [Yaradılış 1:27; 2:​18, 24 ayələrini oxu.]