Ruhun bəhrəsi — yaxşılıq

1. Ey Yehova, şükr edirik,

Nə böyükdür kərəmin!

Sən ucasan, taxtından hey

Yaxşılıq çağlar Sənin.

Ey Rəhman, rəhm göstərənsən,

Əfv edirsən qulunu.

Səcdəyə tək Sən layiqsən,

Vəsf eylərik hüsnünü.

2. Nə gözəl xəlq eyləmisən,

Ey Xaliq, Sən insanı.

Yaxşılıqla, düz əməllə

Əks edirik şanını.

Hikmətli, saf təlimlərlə

Qardaşlar öyüd verir.

Müqəddəs ruh köməyilə

Biz qalırıq həmfikir.

3. Biz doğma bacı-qardaştək

Birləşdik bir imanda.

Onların öz yerləri var

Bu sevən qəlbimizdə.

Gəlin hara yollansaq da,

Yaxşılıqla tanınaq.

Sevgidə zəngin olmaqla

Allaha biz bənzəyək.