Görüşlərdə müntəzəm olaraq iştirak etmək olduqca vacibdir
1 Müntəzəm olaraq yığıncaq görüşlərində iştirak etmək məsihçi ailələri üçün çox vacibdir. Lakin həyat qarşımıza öz tələblərini qoyur: ev işləri, dünyəvi iş və ya məktəb dərsləri — bunların hamısı üçün vaxt lazımdır. Bunları etməkna səndə teokratik işlərə ayrılan vaxtdan istifadə etmək meyli yaranırmı? Əgər hər şeyə Yehovanın nöqteyi-nəzəri ilə baxsaq, nəyin daha vacib olduğunu düzgün müəyyən edə biləcəyik (1 Sam. 24:6; 26:11).
2 İsraillilərdən biri bilərəkdən Yehovanın nöqteyi-nəzərini inkar edib, şənbə günü odun yığmağa gedib. Ola bilsin, o, ailəsinin qayğısına qaldığını və ya heç bir qəbahət iş etmədiyini düşünüb. Ancaq ona çıxarılan hökmdən görünür ki, Yehovaya ibadətə ayrılan vaxt ərzində gündəlik işlərlə məşğul olmaq ciddi günahdır (Say. 15:32-36).
3 Çətinliklərin öhdəsindən gəlirik. Çoxları nail olmuşlar ki, dünyəvi iş yığıncaq görüşlərində iştirak etməkdə onlara mane olmasın. Bə’ziləri öz müdiriyyətləri ilə söhbət etmişlər, digərləri iş yoldaşları ilə danışmışlar ki, onları əvəz etsinlər, başqaları isə özləri üçün daha münasib iş tapıb və ya həyatlarını sadələşdiriblər. Şübhəsiz ki, həqiqi ibadət naminə gətirilən bu cür qurbanlar Allaha məqbuldur (İbr. 13:16).
4 Məktəbdə oxumaq da sınağa çevrilə bilər. Məktəbli bir qız demişdir: “Dərslərimin bir qismini yığıncağa getməzdən qabaq edirəm, qalanını isə yığıncaqdan evə qayıtdıqdan sonra”. Ailənin yığıncağa getdiyi axşamlar uşaq dərslərinin hamısını etməyi çatdırmırsa, bə’zi valideynlər müəllimlərin yanına gedib izah edirlər ki, məsihçi görüşlərində iştirak etmək onların ailəsi üçün olduqca vacibdir.
5 Bütün ailənin görüşlərə vaxtında gələ bilməsi üçün yaxşı planlaşdırma və ev işlərini birlikdə görmək lazımdır (Sül. məs. 20:18). Hətta balaca uşaqları belə müəyyən vaxt üçün əyinlərini geyinməyə və evdən çıxmaq üçün hazır olmağa öyrətmək olar. Görüşlərin vacib olduğunu valideynlər öz nümunələri ilə göstərə bilərlər (Sül. məs. 20:7).
6 Həyatın get-gedə çətinləşdiyi bir vaxtda müntəzəm olaraq yığıncaq görüşlərinə getmək çox vacibdir. Gəlin hər şeyə Yehovanın nöqteyi-nəzəri ilə baxmağa davam edək və görüşlərdə müntəzəm iştirak etməyi çox vacib hesab edək (İbr. 10:24, 25).