Gözəl köməkçi vəsait

Məsihçilər hər yerdə xoş xəbəri təbliğ edərək, “xalqa xidmət” edirlər (Filip. 2:17, YD). İnternetdə www.watchtower.org. ünvanında 20 dildə yerləşdirilmiş broşüra, traktat və məqalələr bu işdə yaxşı kömək olaraq xidmət edirlər. Bu Web-sayt Yehovanın Şahidlərinin son nəşrləri əldə edə bilmələri üçün yaradılmayıb. Onun məqsədi, bütün arzu edənlərə Yehovanın Şahidlərinin Müqəddəs Kitaba əsaslanan tə’limləri haqqında başqa insanlara dəqiq mə’lumat çatdırmaqdır.

Bu yaxınlarda, bizim rəsmi Web-saytımıza 220-dən çox dildə “Allah bizdən nə tələb edir?” broşürası yerləşdirilmişdir. Həmçinin, 2004-cü ilin yanvar ayının 1-dən Web-saytımızın ünvanı “Gözətçi Qülləsi” və “Oyanın!” jurnallarının nəşr olunduğu hər bir dildə, jurnalların sonuncu səhifəsində çap olunacaqdır.

Sən bu ünvandan necə istifadə edə bilərsən? Ola bilsin, sən həqiqətlə maraqlanan adama rast gəlmisən, amma o, başqa dildə oxuyur. Əgər həmin adamın İnternetə daxil olmaq imkanı varsa, sən ona “Gözətçi Qülləsi” və ya “Oyanın!” jurnallarının sonuncu səhifəsindəki ünvanı göstərə bilərsən. Bu, ona imkan verəcək ki, sən ona öz dilində ədəbiyyat gətirənə qədər, “Allah tələb edir” broşürasını ana dilində tapsın. Yaxud sən həmin adamın ünvanını bu dildə təbliğ edən yığıncağa və ya qrupa çatdıra bilərsən.

“Gözəl köməkçi vəsait” çərçivəsini qısa olaraq şərh et. İzah et ki, Yehovanın Şahidlərinin Web-saytındakı yenilik əsasən başqa dildə danışan insanlar üçün edilmişdir.