Əgər sizə dərhal xarici dildə ədəbiyyat lazımdırsa

Bəzən xidmətdə rast gəldiyimiz insanlar bizim nəşrləri başqa dildə oxumaq istəyirlər, həmin dildə, adətən, yığıncağımızda ədəbiyyat olmur. Bilirsinizmi ki, əgər İnternetə daxil olmaq imkanınız və printeriniz varsa, 400-ə yaxın dildə ədəbiyyat çap edə bilərsiniz? Gəlin görək, necə?

• Rəsmi veb-saytımıza — www.watchtower.org saytına daxil olun.

• Ana səhifənin (home page) sağ tərəfində bəzi dillərin siyahısı gətirilir. Bütün dillərin siyahısını açmaq üçün qlobus işarəsinə basın.

• Sizə lazım olan dili seçin. Açılan səhifədə çap edə biləcəyiniz nəşrlər, məsələn, traktatlar, broşüralar və məqalələr çıxacaq. Açdığınız səhifə başqa dildə olduğu üçün başlıqların sizə tanış gəlmədiyinə görə narahat olmayın.

• İstənilən mövzunu seçin. Material ekranda görünəcək, bu zaman brouzerin (İnternetdə axtarışa və baxışa imkan yaradan proqram) printer düyməsinə basaraq materialı çap etmək olar.

Bizim veb-saytda bütün nəşrlərimiz yerləşdirilməyib; əlavə ədəbiyyatları yığıncaq vasitəsilə əldə etmək olar. İnsan ciddi maraq göstərəndə əlavə ədəbiyyatı ədəbiyyatlara cavabdeh olan qardaşdan istəmək olar.