Müqəddəs Kitabı öyrənənlərə ruhən böyüməkdə kömək edirik IX hissə.
Qeyri-rəsmi surətdə təbliğ etməyə hazırlayırıq.
1 Andrey və Filip İsanın və’d edilmiş Məsih olduğunu dərk edəndə, onlarda bu həyəcanlandırıcı xəbəri başqalarına çatdırmaq arzusu yarandı (Yəh. 1:40-45). Buna bənzər tərzdə bu gün də Müqəddəs Kitabı öyrənən kəslər öyrəndiklərinə iman edir və bu haqda başqalarına danışmağa təşviq olunurlar (2 Kor. 4:13). Bəs biz onları qeyri-rəsmi surətdə təbliğ etməyə necə təşviq edə bilərik və bunu daha effektiv surətdə etməyin yolu hansıdır?
2 Sadəcə olaraq, ondan Müqəddəs Kitabdan öyrəndiklərini başqalarına danışıb-danışmadığını soruşmaq olar. O, dostlarından və ya ailə üzvlərindən kimi isə öyrənməyə də’vət edə bilər. Onun əməkdaşlarından, sinif yoldaşlarından və ya tanışlarından kiminsə xoş xəbərə maraq göstərib-göstərmədiyi haqda soruşa bilərsən. Əgər belələri varsa, onda öyrənənin onlarla Müqəddəs Kitab haqqında danışması yaxşı olardı. Onu başa sal ki, başqalarına Yehova Allah və Onun niyyətləri haqqında danışarkən, nəzakətli və mehriban olmaq lazımdır (Kolos. 4:6; 2 Tim. 2:24, 25).
3 Öz e’tiqadlarını bölüşmək. Öyrənən adamın öz e’tiqadlarını başqaları ilə bölüşməsi üçün, ona Allahın Kəlamından necə istifadə etməyi öyrətmək çox vacibdir. Öyrənmə zamanı müəyyən fikirləri müzakirə edərək ondan soruş: «Müqəddəs Kitabın köməyi ilə siz bunu ailə üzvlərinizə necə izah edərdiniz?» və ya «Bunu dostunuza izah etmək üçün hansı Müqəddəs Kitab ayələrindən istifadə edərdiniz?» Onun cavablarına diqqətlə qulaq as və sonra Müqəddəs Kitabdan dəlil gətir (2 Tim. 2:15). Beləliklə sən onu qohumlarına və dostlarına təbliğ etməyə, müəyyən təcrübə əldə etdikdən sonra isə, yığıncaqla birgə rəsmi olaraq təbliğ işində iştirak etməyə hazırlayacaqsan.
4 Müqəddəs Kitabı öyrənənləri gələcəkdə qarşılaşa biləcəkləri tə’qiblərə indidən hazırlamaq müdriklikdir (Mat. 10:36; Luka 8:13; 2 Tim. 3:12). Kimsə sual verəndə və ya Yehovanın Şahidləri haqqında mənfi rə’y söyləyəndə, şahidlik vermək üçün gözəl imkan yaranır. «Yehovanın Şahidləri. Onlar kimdirlər? Nəyə inanırlar?» (rus.) broşürası ‘cavab vermək üçün hazır olmaqda’ onlara kömək edə bilər (1 Pet. 3:15). Həmin broşürada Müqəddəs Kitaba əsaslanan e’tiqadlarımız və fəaliyyətimiz haqqında dəqiq mə’lumat verilir. Müqəddəs Kitabı öyrənən şəxs bütün bunları dostlarına və ailə üzvlərinə izah edərkən istifadə edə bilər.