İnsanlara fidiyə qurbanlığından fayda əldə etməyə kömək et.
Məsihin ölümünün Xatirə Gecəsi aprelin 12-si qeyd olunacaq
1. Allahın xalqı fidiyəyə görə minnətdarlığını necə ifadə edir?
1 «Sözlə təsvir edilə bilməyən hədiyyəsi üçün Allaha şükür olsun!» (2 Kor. 9:15). Bu sözlər, Allahın İsa Məsih vasitəsilə Öz xalqına göstərdiyi xeyirxahlığına və məhəbbətinə görə olan duyğularımızı çox yaxşı təsvir edir. Aprelin 12-si Məsihin Xatirə Gecəsində toplaşaraq öz minnətdarlığımızı ifadə etmək üçün gözəl imkanımız olacaq.
2. Yehovanın xidmətçiləri ilə birgə Xatirə Gecəsində daha kimlər iştirak edirlər və fidiyədən fayda əldə etmək üçün onlar nə etməlidirlər?
2 Hər il on milyona yaxın insan Xatirə Gecəsində Yehovanın xidmətçiləri ilə birgə iştirak edir. Bununla onlar da Məsihin qurbanlığına görə minnətdar olduqlarını bildirirlər. Lakin fidiyədən fayda əldə etmək üçün bu insanlar ona iman gətirməlidirlər (Yəh. 3:16, 36). Onların belə imana sahib olmalarına biz necə kömək edə bilərik? Xatirə Gecəsi ərəfəsində onları Müqəddəs Kitabı şəxsən öyrənməyə və həftəlik yığıncaq görüşlərinə gəlməyə təşviq etmək olar. Gəlin görək bunu necə edə bilərik.
3. Xatirə Gecəsinə də’vət edərkən insanlarla Müqəddəs Kitab öyrənməsinə necə başlaya bilərik?
3 Müqəddəs Kitabı öyrənənlər. «Bilik» kitabı vasitəsilə Müqəddəs Kitab öyrənməsinə başlayarkən, 127-ci səhifədə yerləşən 18-ci abzasın köməyilə Xatirə Gecəsinin nə üçün və necə qeyd edilməsini başa sal. Bu materialı qapı ağzında keçirilən Müqəddəs Kitab öyrənməsi kimi bir və ya iki başçəkmə ərzində müzakirə etmək olar. Əlavə mə’lumat toplamaq üçün «Gözətçi Qülləsi»nin 2003-cü il 1 mart sayının 8-11 və 15-ci səhifələrindəki materialdan da istifadə edə bilərsən. Müzakirəni qurtardıqdan sonra, ola bilsin, insan «Allah bəşəriyyətin xilası üçün hansı tədbiri gördü» adlanan 7-ci fəsli müzakirə etmək istəsin. Müqəddəs Kitab öyrənməsini müntəzəm keçirməyə başlayanda, kitabın birinci fəslinə qayıt və öyrənməni davam etdir.
4. Xatirə Gecəsi ərəfəsində kimlərlə Müqəddəs Kitab öyrənməsinə başlaya bilərik?
4 Bu üsuldan istifadə edərək kiminlə Müqəddəs Kitab öyrənməsinə başlamaq olar? Ola bilsin ki, bu mövzu iş, məktəb yoldaşlarının və ya qonşularının bə’zilərində maraq oyatsın. Qardaşlar, yığıncaqdakı bacıların imanımıza şərik olmayan həyat yoldaşları ilə Müqəddəs Kitab öyrənməsinə başlamaq üçün bu üsulu tətbiq edə bilərlər. O cümlədən, özünün Şahid olmayan qohumlarını da yaddan çıxarma. Bundan başqa, əvvəllər yığıncaq ilə sıx bağlı olan insanları da Xatirə Gecəsinə də’vət etmək üçün xüsusi sə’y göstərməliyik (Luka 15:3-7). Gəlin hamıya fidiyədən fayda əldə etməyə kömək edək.
5. Müqəddəs Kitabı öyrənənləri və başqa maraqlananları yığıncağın həftəlik görüşlərinə gəlməyə necə təşviq edə bilərik?
5 Yığıncaq görüşləri. Müqəddəs Kitabı öyrənənlərin və maraqlananların bir çoxunun ilk dəfə gəldikləri yığıncaq görüşü məhz Xatirə Gecəsi olur. Bu səbəbdən, onları yığıncağın başqa görüşlərinə də gəlməyə necə təşviq edə bilərik? «Bizim Padşahlıq Xidmətimiz»in 2005-ci il aprel sayının 8-ci səhifəsində buna dair növbəti məsləhətlər verilir: «Növbəti mə’ruzənin adını de. “Gözətçi Qülləsi” öyrənməsində və kitaböyrənmədə müzakirə olunacaq materialı göstər. Teokratik Xidmət Məktəbinin və xidməti görüşün necə keçirildiyini izah et. Əgər Məktəbdə çıxışın varsa, onu öyrənənlərlə məşq edə bilərsən. Görüşdə eşitdiyin maraqlı fikirlərlə bölüş. Nəşrlərimizdəki fotoşəkillərdən istifadə edərək, görüşlərimizin necə keçirildiyi haqda danış. Elə ilk dərsdən öyrənənləri görüşlərə də’vət et».
6. Səmimi qəlbli insanlara fidiyədən fayda əldə etməyə hansı iki yolla kömək edə bilərik?
6 Səmimi qəlbli insanlar müntəzəm olaraq Müqəddəs Kitabı öyrənir və yığıncaq görüşlərinə gəlirlərsə, onlar əksər hallarda ruhani cəhətdən çox tez inkişaf edirlər. Ona görə də, gəlin insanları bu ruhani tədbirlərdən və Allahın ən böyük hədiyyəsi olan fidiyədən fayda əldə etməyə kömək edək.