«Yüksək keyfiyyətli tibbi xidmət hansıdır?»
«Qansız cərrahiyyə əməliyyatına üstünlük verən xəstə ən yüksək keyfiyyətli müalicə alır». Bu sözləri həkim-anestezioloq Maykl Rouz deyib. «Qansız təbabət» deyəndə nə nəzərdə tutulur? Hansı üsul və alternativlərdən istifadə edilir? Keyfiyyətli tibbi müalicə və cərrahiyyə əməliyyatları ilə bağlı düzgün qərarlar qəbul etmək üçün bunları bilməlisiniz. «Qansız müalicə. Əldə edilən nailiyyətlər» filminə baxın. Sonra isə növbəti sualların köməyi ilə öz biliyinizi yoxlayın. (Qeyd: Filmdə cərrahiyyə əməliyyatlarından kadrlar göstərildiyindən, valideynlər filmə uşaqları ilə birlikdə baxıb-baxmamağı qərarlaşdırarkən ehtiyatlı olmalıdırlar).
1) Yehovanın Şahidlərinin qanköçürməni inkar etmələrinin əsas səbəbi nədir? 2) Yehovanın Şahidləri necə müalicəyə üstünlük verirlər? 3) Hər bir xəstənin hansı vacib hüququ var? 4) Alternativ qanköçürmə üsullarını seçmək nə üçün ciddi və çox məs’uliyyətli məsələdir? 5) Xəstə çox qan itirəndə, həkimlər tez bir vaxtda hansı iki məqsədə nail olmalıdırlar? 6) Alternativ qanköçürmə hansı dörd prinsipə əsaslanır? 7) Həkimlər a) qan itkisini necə azalda bilərlər? b) eritrositləri necə qoruya bilərlər? c) qanyaratmanı necə tənzimləyə bilərlər? d) itirilmiş qanı necə qaytara bilərlər? 8) a) Hemodilusiya b) Reinfuziya üsullarını təsvir edin. 9) Alternativ qanköçürmə ilə əlaqədar hansı əlavə mə’lumatı almaq istərdiniz? 10) Qan köçürmədən ciddi və mürəkkəb cərrahiyyə əməliyyatlarını aparmaq mümkündürmü? 11) Hal-hazırda tibbi dairələrdə hansı təqdirəlayiq dəyişikliklər edilməkdədir?
Filmdə göstərilən hər hansı müalicə üsulu ilə razılaşıb-razılaşmamaqla bağlı qərarı xəstə Müqəddəs Kitaba əsasən tərbiyə edilmiş vicdanına müvafiq olaraq verir. Özünüzə və uşaqlarınıza hansı alternativ qanköçürmə üsullarının uyğun gəldiyini artıq qərara almısınızmı? Yehovanın Şahidləri olmayan ailə üzvləriniz sizin qərarınızdan və onun səbəbindən tam xəbərdar olmalıdırlar («Gözətçi Qülləsi»nin 2004-cü il 15 iyun və 2000-ci il 15 oktyabr saylarındakı «Oxucuların sualları» rubrikalarına baxın, rus.).