Dünyada indiyədək görünməmiş ən böyük təbliğ kampaniyası!
Yehovanın Şahidləri 100 ildən artıqdır ki, mütəşəkkil surətdə xoş xəbəri insanlarla bölüşürlər (1 Kor. 9:23). Dünyada indiyədək görünməmiş bu böyük təbliğ kampaniyasında bu xəbəri yüzlərlə dildə çatdırırıq. Biz bu xəbəri 230-dan artıq ölkə və ərazidə e’lan edirik (Mat. 24:14). Bəs nə üçün bu, vacib işdir? Onun ümumdünya miqyasda həyata keçirilməsinə necə nail olunmuşdur?
«Yehovanın Şahidləri — xoş xəbəri bölüşmək üçün təşkil olunublar» filmində beynəlxalq fəaliyyətimizin bir çox yönlərinə yaxından nəzər salınaraq bu suallara cavab verilir. Filmə baxarkən aşağıdakı sualların üzərində düşün: 1) Bizim fəaliyyətimiz necə təşkil olunub və necə idarə edilir? 2) Yazı şö’bəsi, Tərcüməçi qruplarına xidmət üzrə şö’bə, Rəssamlıq və Audio/Video xidmətləri şö’bəsi xoş xəbərin yayılmasında hansı rolu oynayır? 3) Ədəbiyyatların böyük tirajla çap edilməsində və göndərilməsində məqsəd nədir? (Yəh. 17:3). 4) Bir ildə nə qədər ədəbiyyat çap olunur? 5) Müqəddəs Kitaba əsaslanan ədəbiyyatlar sayəsində nə əldə olunur? (İbr. 4:12). 6) Eşitmə və görmə qabiliyyətləri zəif olanlara ruhani cəhətdən kömək etmək üçün nə edilir? 7) Bizim fəaliyyətimiz necə maliyyələşdirilir? 8) Xəstəxana mə’lumat xidməti, xidməti və konqres şö’bələrinin işinin bizə hansı faydası var? 9) Yehovanın Şahidlərindən biri kimi, bu film sənin a) Yehovanın təşkilatının xoş xəbərin təbliği üçün göstərdiyi sə’yə, b) bütün dünyada 100-dən artıq Bet-El ailəsinə, c) nəzarətçilərə və missionerlərə verilən tə’limə, ç) hər günü Müqəddəs Kitab ayəsini araşdırmaqla başlamağın və hər həftə yığıncaq görüşlərinə hazırlaşmağın vacibliyini anlamağa kömək etdiyinə, d) Məsihçi görüşlərinin gətirdiyi faydalara, e) yerüzü Cənnətin nə demək olduğunu anlamağa kömək etdiyinə (Yeşaya 11:9), ə) məhsul yığımında şəxsən iştirak etdiyinə (Yəh. 4:35) görə minnətdarlığını necə artırdı?
Filmi qohumlarına, tanışlarına, təkrar baş çəkdiyin və Müqəddəs Kitabı öyrətdiyin adamlara göstərərkən onların nə xoşuna gəlib? Nə üçün bu filmi başqalarına da göstərib xoş xəbəri onlarla bölüşməyəsən? (Mat. 28:19, 20).