Xatirə Gecəsi ilə əlaqədar xatırlatma

Ağsaqqallar Xatirə Gecəsinə hazırlaşarkən aşağıdakı bəndlərə diqqət yetirməlidirlər:

◼ Əmin olun ki, simvollar günəş batmazdan əvvəl verilməyəcək.

◼ Bu mərasim üçün münasib çörək və şərab əldə etmək və ya hazırlamaq lazımdır. («Gözətçi Qülləsi» 2003-cü il 1 mart, səh. 10, 11 baxın.)

◼ Zala əvvəlcədən münasib masa gətirmək, üstünə süfrə salıb, boşqab və qədəhlər düzmək lazımdır.

◼ Bu görüşün keçiriləcəyi Padşahlıq Zalını və ya başqa yeri əvvəlcədən yaxşı yığışdırmaq lazımdır.

◼ Xidmətçi qardaşları və simvolları verəcək kəsləri təyin etmək və görüşün necə keçəcəyini, həmçinin onların vəzifəsinin nədən ibarət olacağını qabaqcadan izah etmək lazımdır. Bundan əlavə, layiqli geyimin və xarici görünüşün vacibliyini də vurğulamaq lazımdır.

◼ Səhhətləri ucbatından bayramda iştirak edə bilməyən məsh edilmiş məsihçilərə simvolların çatdırılmasının qayğısına qalmaq lazımdır.

◼ Əgər eyni Padşahlıq Zalından bir neçə yığıncaq istifadə edəcəksə, onda onlar ölçü götürməlidirlər ki, adamlar girişdə, foyedə, pilləkəndə toplaşmasınlar, avtomobil dayanacağında isə qarışıqlıq olmasın.

◼ Əgər Gecənin keçirilməsi üçün başqa yer istifadə ediləcəksə, gələnlərin hamısı natiqi eşidə bilsin deyə, münasib səsgücləndirici cihazlar təşkil etmək lazımdır.