Xatirə Gecəsi ilə əlaqədar xatırlatma

Xatirə Gecəsinin qeyd edilməsi bu il çərşənbə günü aprelin 12-nə düşür. Ağsaqqallar aşağıdakı bəndlərə diqqət yetirməlidirlər:

◼ Görüşün vaxtını tə’yin edərkən əmin olun ki, simvollar günəş batmazdan əvvəl verilməyəcək.

◼ Hamıya, o cümlədən mə’ruzəçiyə də, Gecənin harada və nə vaxt keçiriləcəyi haqda dəqiq mə’lumat vermək lazımdır.

◼ Bu mərasim üçün münasib çörək və şərab əldə etmək və ya hazırlamaq lazımdır. (bax: «Gözətçi Qülləsi» 2003-cü il 1 mart, səh. 10, 11.)

◼ Zala əvvəlcədən münasib stol gətirmək, üstünə süfrə salıb, boşqab və qədəhlər düzmək lazımdır.

◼ Bu görüşün keçiriləcəyi Padşahlıq Zalını və ya başqa yeri əvvəlcədən yaxşı yığışdırmaq lazımdır.

◼ Xidmətçi qardaşları və simvolları verəcək kəsləri tə’yin etmək və görüşün necə keçəcəyini, həmçinin onların vəzifəsinin nədən ibarət olacağını qabaqcadan izah etmək lazımdır. Bundan əlavə, layiqli geyimin və xarici görünüşün vacibliyini də vurğulamaq lazımdır. Simvolları Zalda olanların hamısı ötürdükdən sonra, onları verən qardaşlar qabaq sırada oturacaq və mə’ruzəçi simvolları onlara verəcəkdir. Sonra bu qardaşlardan biri simvolları mə’ruzəçiyə verəcək.

◼ Qayğı göstərmək lazımdır ki, səhhətləri ucbatından bayramda iştirak edə bilməyən məsh edilmiş məsihçilərə qulluq edilsin.

◼ Əgər eyni Padşahlıq Zalından bir neçə yığıncaq istifadə etmək istəyirsə, onda onlar ölçü götürməlidirlər ki, adamlar vestibüldə, girişdə və pilləkəndə toplaşmasınlar, avtomobil dayanacağında isə qarışıqlıq olmasın.