Xidmətdə bir-birinizi ruhlandırın
1 «Yerində deyilən» ruhlandırıcı sözləri hamımız qiymətləndiririk (Sül. məs. 25:11). Təbliğdə əməkdaşlıq edərkən ünsiyyətimizin ruhlandırıcı olub-olmadığını necə müəyyən edə bilərik?
2 Ruhlandırıcı ünsiyyət. Təbliğ xidmətində olduğumuz vaxt ərzində əməkdaşımızla ruhani mövzuları müzakirə etmək necə də ruhlandırıcıdır! (Məz. 37:30). Təqdimələrimiz və ya xidmətdə baş vermiş ruhlandırıcı hadisələr haqqında danışa bilərik (Həv. iş. 15:3). Müqəddəs Kitabı araşdırarkən və jurnalları oxuyarkən tapdığımız, yaxud yığıncaq görüşlərində eşitdiyimiz maraqlı fikirlərlə bölüşürükmü? Biz Padşahlıq Zalında söylənilən axırıncı məruzədən maraqlı fikirləri də müzakirə edə bilərik.
3 Ola bilsin, ev sahibinin etirazının öhdəsindən gələ bilməyəndə məyus oluruq. Oranı tərk etdikdən sonra, növbəti dəfə yarana biləcək belə vəziyyətin öhdəsindən necə gələ biləcəyimizi «Müqəddəs Kitab əsasında söhbətə başlamağın və davam etməyin üsulu» broşürasının köməyilə əməkdaşımızla bir neçə dəqiqə müzakirə etmək faydalı olardı. Əməkdaşımızı təqdiməsində xoşumuza gələn cəhətə görə səmimi-qəlbdən tərifləməklə ruhlandıra bilərik.
4 Təşəbbüsü öz üzərinə götür. Kitaböyrənməmizdə elə təbliğçilər varmı ki, onlarla artıq neçə vaxtdır ki təbliğə çıxmırıq? Onları təbliğə dəvət etməklə ‘müştərək iman vasitəsilə təşviq oluna’ bilərik (Rom. 1:12). Daimi və köməkçi pionerlər səhər tezdən, yaxud axşamüstü, yəni az təbliğçilərin xidmət etdiyi bir vaxtda onlarla xidmətdə əməkdaşlıq edənlərə minnətdardırlar. Biz pionerlərlə xidmət etməklə onlara dəstək ola bilərik. Xəstəliyi ucbatından çox xidmət edə bilməyən təbliğçini tanıyırıqmı? Belə təbliğçi ilə əməkdaşlığımız, məsələn, Müqəddəs Kitab öyrənməsinə dəvət etməyimiz faydalı ola bilər (Sül. məs. 27:17).
5 Hətta kiçik bir şeyə görə tərifləyəməyimiz, yaxud minnətdarlığımız həmişə ruhlandırıcı olur. ‘Bir-birimizi inkişaf etdirmək’ istədiyimiz üçün, kiminləsə təbliğdə əməkdaşlıq edəndə bunu həmişə yadda saxlamalıyıq (1 Salon. 5:11).