Suallar qutusu

◼ Müntəzəm keçirilən ailəvi öyrənmənin vaxtını valideynlərin hər ikisi hesabata daxil edə bilərmi?

Uşaqları ‘Rəbbin tərbiyə və nəsihəti ilə böyütməyə’ görə məsuliyyəti əsas etibarilə ata daşısa da, onların tərbiyəsində valideynlərin hər ikisi iştirak edir (Efes. 6:4). Müqəddəs Kitab uşaqları təşviq edir: «Oğlum, ata tərbiyəsinə qulaq as, ananın öyrətdiklərini kənara atma» (Sül. məs. 1:8). Valideyn tərbiyəsinin bir vacib cəhəti Müqəddəs Kitabın ailəvi öyrənməsidir.

Əvvəllər vəftiz olunmamış uşaqları ilə keçirilən ailəvi öyrənmədə valideynlərin hər ikisi iştirak etsə də, onlardan yalnız öyrənməni keçirən saatı hesabata yazırdı. Lakin indi dəyişiklik edilib. Əgər ailəvi öyrənmə zamanı uşaqların təlimində valideynlərin ikisi də iştirak edirsə, onların hər ikisi həftəyə ən çoxu bir saat təbliğ xidməti yaza bilər. Əlbəttə, valideynlər adətən övladlarını öyrətmək üçün həftədə bir saatdan çox vaxt sərf edirlər. Uşaqların tərbiyəsi hər iki valideyndən daimi səy tələb edir (Qanun. t. 6:6-9). Ancaq aylıq xidmət hesabatı əsas etibarilə xidmətdə nail olunan işləri əks etdirməlidir. Buna görə də, öyrənmənin bir saatdan çox çəkməsinə, həftədə bir dəfədən artıq keçirilməsinə, yaxud hər uşaqla ayrı-ayrılıqda öyrənmə aparılmasına baxmayaraq, həftəyə bir saatdan çox yazılmamalıdır. Valideynlərdən yalnız biri Müqəddəs Kitabın ailəvi öyrənməsini hesabata salmalı və öyrənmə keçirilən hər həftəyə bir təkrar başçəkmə yazmalıdır.