«Qoy Padşahlığın gəlsin». Milyonlarla insanın etdiyi dua
Əsrlər ərzində milyonlarla insan bu sözləri təkrarlayaraq dua edib: «Qoy Padşahlığın gəlsin» (Mətta 6:10). Nəyə görə insanlar bu duanı edirlər? Çünki İsa Məsih davamçılarına Allahın Padşahlığı üçün dua etməyi buyurmuşdu.
İsa Məsihin davamçıları əvvəlcə onun Padşahlıq haqqında dediklərinin hamısını başa düşmürdülər. Bir dəfə onlar İsa Məsihdən soruşmuşdular: «Ağa, İsraildə padşahlığı indi bərpa edəcəksən?» İsanın bu suala birbaşa cavab verməməsi, yəqin, onları təəccübləndirmişdi (Həvarilərin işləri 1:6, 7). Bu o deməkdir ki, Allahın Padşahlığının nə olduğu, nə zaman gələcəyi barədə suallarımıza cavab tapa bilmərik? Əlbəttə ki, yox!
«Gözətçi qülləsi»nin bu sayında növbəti suallara cavab tapacaqsınız:
Nəyə görə Allahın Padşahlığına ehtiyacımız var?
Allahın Padşahlığının Padşahı kimdir?
Allahın Padşahlığı yer üzünü nə zaman idarə edəcək?
Allahın Padşahlığı hansı işləri həyata keçirəcək?
Nəyə görə indidən Allahın Padşahlığının tərəfini tutmalıyıq?
Allahın Padşahlığı nədir?