Təbliğ etmək bizi ruhani cəhətdən möhkəm saxlayır
1. Təbliğ işi bizə hansı faydanı gətirir?
1 Təbliğ işində fəal iştirak etmək bizi ruhani cəhətdən möhkəmləndirə və sevincimizi artıra bilər. Düzdür, biz təbliğ işində əsasən Yehovanı razı salmaq üçün iştirak edirik. Bununla yanaşı, ‘kəlamı təbliğ et’ əmrinə tabe olmaqla, Yehovanın xeyir-dualarını qazanır və həmçinin özümüz üçün müxtəlif faydalar əldə edirik (2 Tim. 4:2; Yeşaya 48:17, 18). Bəs təbliğ işi bizi necə möhkəmləndirə və sevincimizi artıra bilər?
2. Xidmət bizi necə möhkəmləndirir?
2 Möhkəmlənir və xeyir-dua qazanırıq. Təbliğ etmək bizi diqqətimizi indiki narahatçılıqlara yox, Padşahlığın xeyir-dualarına yönəltməyə təşviq edir (2 Kor. 4:18). Müqəddəs Kitab təlimlərini izah edəndə Yehovanın vədlərinə imanımız möhkəmlənir və həqiqətə görə minnətdarlığımız artır (Yeşaya 65:13, 14). ‘Dünyadan olmamaları’ üçün başqalarına ruhani cəhətdən inkişaf etməyə kömək etdikcə bu məsələdə öz mövqeyimizi möhkəmləndiririk (Yəh. 17:14, 16; Rom. 12:2).
3. Xidmətimiz məsihçi keyfiyyətlərini inkişaf etdirməyə necə kömək edir?
3 Xidmətdə iştirak etmək bizə məsihçi keyfiyyətlərini inkişaf etdirməyə kömək edir. Məsələn, ‘hər kəs üçün hər şey olmağa’ çalışarkən daha çox təvazökar oluruq (1 Kor. 9:19-23). «Çobansız qoyunlar kimi taqətsiz və dağınıq» kəslərlə söhbət edəndə biz şəfqətli və mərhəmətli olmağı öyrənirik (Mat. 9:36). Etinasız münasibətlə və ya müqavimətlə üzləşəndə dözümlü olmağı öyrənirik. Həyatımızı başqalarına kömək etmək üçün sərf edəndə sevincimiz aşıb-daşır (Həv. iş. 20:35).
4. Xidmətinə necə yanaşırsan?
4 İbadətimizə layiq olan yeganə Şəxsi izzətləndirən bu xidmətdə iştirak etmək necə də böyük xeyir-duadır! Xidmət bizi möhkəmləndirir. Bu, özünü tamamilə ‘Müjdəyə şəhadət etməyə’ həsr edən insanlara bol-bol xeyir-dualar gətirir (Həv. iş. 20:24).