«Müqəddəs Kitab — həyatımızı dəyişən qüvvə»
Müqəddəs Kitab milyonlarla insana həyatını yaxşılığa doğru dəyişməyə kömək etmişdir. Bugünkü problemlərin öhdəsindən gəlməkdə kömək edən Müqəddəs Kitab prinsiplərindən bəziləri hansılardır? Şübhəsiz, siz üç filmdən ibarət olan «Müqəddəs Kitab — faktlar və peyğəmbərliklər kitabı» DVD-dən «Müqəddəs Kitab — həyatımızı dəyişən qüvvə» adlı ikinci filmə baxdıqdan sonra bu suallara cavab tapmağa şad olacaqsınız. Bu filmə baxdıqdan sonra növbəti suallara cavab verə bilərsinizmi?
1) Nəyə görə deyə bilərik ki, Müqəddəs Kitab sadəcə bədii şah əsər deyil? (İbr. 4:12). 2) Əgər Müqəddəs Kitab insanların həyatını yaxşılaşdırmağa qadirdirsə, onda nəyə görə bəşəriyyət problemlərlə doludur? 3) Müqəddəs Kitabın əsas mövzusu nədir? 4) Filmdə xatırlanan hansı Müqəddəs Kitab ayələri ər-arvadlara a) ünsiyyətlərini yaxşılaşdırmağa və b) qəzəblərini cilovlamağa kömək edə bilər? 5) Nikaha məsihçi nöqteyi-nəzəri ilə baxmaq ailə həyatını yaxşılaşdırmağa necə kömək edir? (Efes. 5:28, 29). 6) Yehova valideynlərə hansı mükəmməl nümunəni qoyub? (Mark 1:9—11). 7) Valideynlər ailəvi öyrənməni necə maraqlı edə bilərlər? 8) Müqəddəs Kitab öyrənməsindən əlavə Allahın Kəlamı valideynləri uşaqlarını daha nə ilə təmin etməyə təşviq edir? 9) Müqəddəs Kitab məsləhətləri ailələrə maddi çətinliklərin öhdəsindən gəlməyə necə kömək edir? 10) Təmizliyə, narkotiklərin və spirtli içkilərin sui-istifadəsinə və stressə dair Müqəddəs Kitabın hansı prinsipləri tətbiq edildikdə sağlamlıqla bağlı problemləri azaltmağa kömək edir? 11) Hansı Müqəddəs Kitab vədləri bizə təhəmmül göstərməyə kömək edir? (Əyy. 33:25; Məz. 145:16). 12) Allahın Kəlamının hansı təlimləri şəxsən sənin həyatını dəyişmişdir? 13) Sən bu filmin köməyilə başqalarına necə kömək edə bilərsən?