Əgər kimsə deyirsə...

«Mən Müqəddəs Kitaba inanmıram»

Belə demək olar: «Ancaq siz Allaha inanırsınız, elə deyilmi? ... Bilmək olar, Müqəddəs Kitabda nə ilə razılaşa bilmirsiniz?»

Yaxud belə demək olar: «Siz Müqəddəs Kitaba həmişə inanmamısınız? ... Mən bunu başqalarından da eşitmişəm, halbuki onlar özləri Müqəddəs Kitabı oxuyub araşdırmayıblar. Ancaq Müqəddəs Kitabda aydın şəkildə deyilir ki, o, Allahın Kəlamıdır və əgər biz orada yazılanlara iman etsək və onlara uyğun yaşasaq, Allah bizə əbədi həyat bəxş edəcək. Yəqin razılaşacaqsınız ki, ən azı bu səbəblərə görə onu araşdırmağa və orada yazılanların həqiqət olub-olmadığını yoxlamağa dəyər». (Məsələn, «Mülahizə» kitabının 54—58-ci səhifələrindəki materialdan istifadə etmək olar, rus.)

«Müqəddəs Kitabda ziddiyyətlər var»

Belə demək olar: «Mən bunu başqalarından da eşitmişəm, amma onlar konkret olaraq heç nə göstərə bilmirlər. Mən özüm Müqəddəs Kitabı oxuyuram və orada heç bir ziddiyyətə rast gəlməmişəm. Siz hansısa nümunə çəkə bilərsiniz?» Sonra əlavə etmək olar: «Başa düşdüyüm qədər, çoxları Müqəddəs Kitabı oxuyarkən yaranan suallarına heç vaxt cavab tapmamışlar. Məsələn, Adəmin oğlu Qabil arvadı haradan almışdı?» (Məsələn, «Mülahizə» kitabının 302, 303-cü səhifələrindəki materialdan istifadə etmək olar, rus.)