Əgər kimsə deyərsə...

«Müqəddəs Kitab qərbin [və ya xristianların] kitabıdır»

Belə cavab vermək olar: «Düzdür, Müqəddəs Kitab daha çox Qərbdə çap olunmuşdur. Ancaq Müqəddəs Kitabda deyilmir ki, bir xalq digərindən yaxşıdır». Sonra əlavə etmək olar: 1) «Müqəddəs Kitab bizə Yaradan tərəfdən verilib, O isə ayrı-seçkilik etməyən Allahdır» (Həv. iş. 10:34, 35). 2) «Allahın Kəlamında deyilir ki, bütün millətlərdən olan insanların Allahın Padşahlığının rəhbərliyi altında yer üzündə əbədi yaşamaq imkanı var (Vəhy 7:9, 10, 17)».

Yaxud belə demək olar: «Bu, belə deyil! Müqəddəs Kitab Yaxın Şərqdə yaşayan insanlar tərəfindən qələmə alınıb. Yaradanın Özü onları müqəddəs ruhla ilhamlandırmış və Müqəddəs Kitabın 66 kitabını yazmağı tapşırmışdır. Ancaq orada yazılan xəbər bütün insanlara ünvanlanıb». Sonra əlavə etmək olar: 1) «Görün, İsa nə demişdir... (Yəh. 3:16). “Hamısı” dedikdə bütün millətlərdən və xalqlardan olan insanlar nəzərdə tutulur. Bundan əlavə, göyə qalxmazdan öncə, İsa öz şagirdlərinə demişdi... (Mat. 28:19)». 2) «Maraqlıdır ki, Həvarilərin işləri 13:1 ayəsində “qara” mənasını daşıyan Niger adlı bir nəfərdən danışılır. O, Antakya (Suriya) şəhərinin yığıncağında peyğəmbər və müəllim olmuşdur».