«Yehovanın Şahidləri sekta və ya təriqətdir?»
«Bəzilərinin fikrincə, sekta əsas dindən ayrılmış dini qrupdur. Kimlərsə bu sözü öz məqsədini güdən hansısa insanı rəhbər və ya müəllim kimi qəbul edib onun ardınca gedən bir qrup insana aid edir. Bu ifadə, adətən, mənfi mənada işlənir. Yehovanın Şahidləri hansısa kilsəyə mənsub olmayıblar. Onların arasında əvvəllər fərqli-fərqli dinlərə mənsub olmuş müxtəlif insanlar var. Onlar hansısa insanı yox, İsa peyğəmbəri ağa kimi qəbul edirlər».
Yaxud belə demək olar: «Təriqət ümumi qəbul olunmayan və ya hansısa ayinlərə bağlı qalmağı aşılayan dindir. Bir çox təriqətlərə insanlar başçılıq edir və adətən, onların üzvləri özlərini cəmiyyətdən təcrid edirlər. Ancaq həqiqi dinin təlimləri Müqəddəs Kitaba əsaslanmalıdır və Yehovanın Şahidləri tamamilə Müqəddəs Kitaba bağlıdırlar. Onların ibadəti hansısa ayinlərdə yox, sürdükləri həyatda öz əksini tapır. Onlar nə hansısa bir insanın ardınca düşüblər, nə də özlərini cəmiyyətdən təcrid ediblər. Hamı kimi işləyib özlərini dolandırırlar».