Toxumun cücərməsi üçün suvarılması gərəkdir
1. Toxumun cücərib böyüməsi üçün nə lazımdır?
1 Səpilən toxumun cücərməsi üçün onu suvarmaq lazımdır. Sahəmizdəki insanların ürəklərinə səpdiyimiz həqiqət toxumu haqqında da eyni şeyi demək olar (1 Kor. 3:6). Əgər bu məcazi toxumun kök atıb cücərməsini və çiçəklənməsini istəyiriksə, təkrar baş çəkməli və Allahın Kəlamının köməyilə onu suvarmalıyırıq.
2. Növbəti başçəkməyə necə zəmin hazırlaya bilərik?
2 Açıq sual saxla. Nəyə görə təqdimə hazırlayarkən cavabını növbəti başçəkmədə verəcəyin maraqlı bir sual hazırlamayasan? İlk söhbətin sonunda həmin sualı ver və təkrar başçəkmə üçün dəqiq vaxt təyin et. Bir çoxları öyrənmə üçün nəzərdə tutulan vəsaitdən bir mövzu seçir və Müqəddəs Kitab öyrənməsinin necə keçirildiyini göstərirlər.
3. Maraqlanan barədə hansı məlumatı qeyd edə bilərik?
3 Qeydlər apar. İlk başçəkmədən dərhal sonra qeydlər apar. İnsanın adını və ünvanını yaz. Yaxşı olardı ki, söhbət etdiyiniz günü və vaxtı, nə haqda danışdığınızı və hansı ədəbiyyatı verdiyini qeyd edəsən. Əgər o, hansı dinə məsub olduğu, ailəli olub-olmadığı, onun üçün maraqlı olan və ya onu narahat edən şeylər barədə danışıbsa, onları da qeyd et. Bu məlumat növbəti başçəkmədə sənə lazım gələcək. Həmçinin nə vaxt görüşəcəyinizi və hansı sualı müzakirə edəcəyinizi də yaz.
4. İnsanlarda yaranan marağı inkişaf etdirmək üçün nəyə görə mətanətli olmaq lazımdır?
4 Mətanətli ol. Şeytan insanın ürəyinə əkilmiş toxumu aparmaq niyyətindən əl çəkən deyil (Mark 4:14, 15). Buna görə də, maraqlanan insanı evdə tapmayanda ruhdan düşmə. Sən ona məktub yaza, yaxud da qapının arasına balaca bir kağız yazıb qoya bilərsən. Bir dəfə pioner bacı qapı ağzında bir qadınla öyrənmə başlamış, ancaq sonra onu evdə tapa bilmədiyindən məktub yazmaq qərarına gəlmişdi. Nəhayət, bacı onu evdə tapanda qadın ona göstərilən qayğının ürəyinə güclü təsir bağışladığını bildirdi. Həqiqət toxumunu suvardıqca onun necə pöhrələndiyini, yetişib «otuzqat, altmışqat və yüzqat bəhrə» verdiyini görmək bizə sevinc bəxş edir (Mark 4:20).