Əgər kimsə deyirsə...

«İndiki zəmanədə onun heç bir faydası yoxdur»

Belə demək olar: «Əlbəttə, adətən, biz hansısa fayda gətirən şeylərlə maraqlanırıq». Sonra əlavə etmək olar: 1) «Zəhmət olmasa, deyə bilərsiniz, əgər bu gün bütün müharibələrə son qoyulsa, bunun bizə bir xeyri olar? ... Sizcə, insanlar başqa millətlərdən olan insanlarla sülh içində yaşamağı öyrənsələr, məgər bu məqsədə nail olmaq üçün artıq ilk addım atmış olmazdılar? ... Müqəddəs Kitabda da elə bu haqda peyğəmbərlik olunmuşdu (Yeşaya 2:2, 3). Hal–hazırda Yehovanın Şahidlərinin arasında məhz sülh hökm sürür, çünki onlar Müqəddəs Kitabı öyrənirlər». 2) «Ancaq sadəcə bu, kifayət deyil: müharibələri qızışdıran insanları və ölkələri aradan qaldırmaq lazımdır. Görəsən, nə vaxtsa belə bir şey baş verəcəkmi? Bəli, baş verəcək, Müqəddəs Kitabda bunun necə baş verəcəyi izah olunur (Dan. 2:44; Məz. 37:10, 11)».

Yaxud belə demək olar: «Əlbəttə, mən sizin şübhələrinizi başa düşürəm. Aydın məsələdir ki, heç kim yanlış məlumat verən arayış kitabçasından istifadə etməz». Sonra əlavə etmək olar: «Necə düşünürsünüz, ailədə xoşbəxtliyə nail olmağa dair müdrik məsləhətlər verən bir kitabı faydalı hesab etmək olar? ... Ailə ənənələri və ailə həyatı haqqında təsəvvürlər dəfələrlə dəyişikliyə uğramışdır. Göründüyü kimi, heç bir yaxşı nəticə verməmişdir. Ancaq Müqəddəs Kitabda ailə haqqında nə deyildiyini bilənlər və ona əməl edənlər möhkəm və xoşbəxt ailələrə sahibdirlər (Kol. 3:12—14, 18—21)».