Əgər kimsə deyirsə...

«Mən yalnız gördüyüm şeylərə inanıram, Allahı isə heç vaxt görməmişəm».

Belə demək olar: «Bir çoxları sizin kimi deyir. Bunun səbəbi aydındır. Yaşadığımız cəmiyyətdə insanlar daha çox maddi şeylərə önəm verirlər. Görünür, siz hər şeyə real baxmağa üstünlük verirsiniz, elə deyil?» Sonra əlavə etmək olar: 1) «Gəlin razılaşaq ki, gözlə görə bilmədiyimiz, amma mövcudluğuna əmin olduğumuz bir çox şeylər var. Məsələn, nəfəs aldığımız hava. Biz onu külək əsəndə və ya ciyərlərimizə dolanda hiss edirik. Biz havanı görməsək də, onun mövcudluğuna əminik, çünki təsirini görürük». 2) «Həmçinin cazibə qüvvəsini də görmürük, ancaq əlimizdən nəyisə salanda, onun təsirini görürük. Qoxuları görmürük, ancaq burnumuzla onları hiss edirik. Səs dalğalarını da görmürük, amma qulaqlarımız onları eşidir. Razılaşın ki, gözlə görmədiyimiz, ancaq mövcudluğuna inandığımız şeylər heç də az deyil, çünki buna əsaslı səbəblər var». 3) «Bəs gözlə görünməyən Allahın əslində mövcud olduğuna dair hansı sübutlar var?» (63 və 64-cü səhifələrdə olan «Allaha inanmaq üçün əsaslı səbəblər varmı?» başlığı altındakı məlumatdan (rus.) istifadə et. [rs-TK s. 369, 370.])