Üzündən oxumağa çətinlik çəkənlərə necə kömək edə bilərik?

1. Üzündən oxumağa çətinlik çəkən insanlarla Müqəddəs Kitabı araşdırmaqla bağlı hansı çətinliklər yarana bilər?

¹ Üzündən oxumağa çətinlik çəkən sakinlərinə ruhani mövzu maraqlı gələ bilər, lakin Müqəddəs Kitab və ya başqa kitablar onları ürküdə bilər. İlk dəfədən onlara «Müqəddəs Kitab öyrədir» kitabını təklif etsək, heç də yaxşı olmaz. Bəs onda onlara necə kömək edə bilərik? Biz 20-dən çox ölkədə təcrübəli təbliğçilər arasında sorğu keçirmişik. Onların təklifləri növbəti abzaslarda qeyd olunub.

2. Hansı vəsaitlər vasitəsilə üzündən oxumağa çətinlik çəkən insanlarla öyrənmə keçirmək olar?

² Əgər maraqlanan pis oxuyur və ya heç oxuya bilmirsə, onda öyrənməni «Allahın sözünə qulaq as» və ya «Allahın sözünə qulaq as və əbədiyyən yaşa» broşürasından başlaya bilərsən. Birləşmiş Ştatlardan olan bir pioner qardaş maraqlanana bu broşüraları göstərir və ondan hansı ilə araşdırmaq istədiyini soruşur. Keniya filialı qeyd edir ki, bu vəsaitlər elə Afrika camaatı üçündür. Çünki onlar üçün sual-cavab şəklində müzakirələr yox, nəql etməklə öyrənmə keçirmək daha təsirli olur. Təhsilli adama oxuyub sual-cavab şəklində müzakirə etmək asan olsa da, bu üsul az təhsilli adam üçün çətin ola bilər. Buna görə də, əgər kimsə üzündən oxumağa çətinlik çəkirsə, əksər təbliğçilər «Allahın sözünə qulaq as», «Allahın sözünə qulaq as və əbədiyyən yaşa» broşüralarından və ya «Müqəddəs Kitab hekayələri» kitabından istifadə edirlər.

3. Oxuya bilməyən insanlarla öyrənmə keçirməkdə effektiv olmaq üçün bizdən nə tələb olunur?

³ Təriflə. Adətən, oxuya bilməyən insan sıxıla və özünü dəyərsiz hiss edə bilər. Onlara həqiqəti öyrədərkən atmalı olduğumuz ilk addım sıxılmamaları üçün yaxşı atmosfer yaratmaqdır. Oxumağı bacarmayan insanlar, adətən, ağıllı və götürmə qabiliyyətli olur. Onlara hörmət və ehtiram göstərməliyik (1 Pet. 3:15). Əgər bu insanlar görsələr ki, göstərdikləri cəhdlər qiymətləndirilir, onda öyrənməni davam edəcək və ruhani addım atacaqlar. Buna görə də onları həmişə təriflə.

4. Üzündən oxumağa çətinlik çəkənləri dərsə qabaqcadan hazırlaşmağa necə təşviq edə bilərik?

⁴ Əgər kimsə pis oxuyursa, onu təşviq et ki, öyrənməyə qabaqcadan hazırlaşsın. Cənubi Afrikadakı bəzi təbliğçilər maraqlananlara məsləhət bilirlər ki, oxumağı bacaran ailə üzvlərindən və ya dostlarından kömək istəsinlər. Böyük Britaniyada bir təbliğçi öyrətdiyi insanları dərsə hazırlaşmağa ruhlandırmaq üçün öyrənmə zamanı bir necə abzasları araşdırmaq üçün öz kitabını öyrənənə verir və beləcə onlar görürlər ki, hazırlaşıb altından xətt çəkəndə cavabları tapmaq daha asan olur. Hindistanda bir qardaş öyrənənləri gələn həftə araşdırılacaq dərsin şəkillərinə baxmağa və qabaqcadan onların üzərində düşünməyə təşviq edir.

5. Öyrənmə keçirən zaman necə səbirli ola bilərik?

⁵ Səbirli ol. İstifadə etdiyin nəşrdən asılı olmayaraq, diqqətini əsas fikirlərə cəmlə və öyrənənə bunları yaxşı başa düşməyə kömək et. Təzə-təzə müzakirəni 10—15 dəqiqədən artıq keçirmə. Onu çoxlu məlumatla yükləmə, bir neçə abzas kifayətdir. O, hecalaya-hecalaya oxuyursa, səbir et. Ola bilsin, o, Yehova ilə münasibətlərini möhkəmləndirdikcə, oxuma qabiliyyətini yaxşılaşdıracaq. Bunun üçün onu elə bəri başdan yığıncaq görüşlərinə dəvət et.

6. Oxuya bilməyənlərə oxumağı necə öyrədə bilərik?

⁶ Müqəddəs Kitab öyrənən adam oxumağı öyrənərsə, ruhani cəhətdən daha tez addım ata bilər (Məz. 1:1—3). Bəziləri maraqlananlara kömək etmək üçün dərsin sonunda bir neçə dəqiqə ərzində onlara oxumağı öyrədirlər. Əgər öyrənən ruhdan düşərsə, onun bu günə kimi nail olduqlarını vurğulamaqla özünə əminliyini artıra bilərsən. Onu həm Yehovanın onun bütün cəhdlərini xeyir-dualandırdığına əmin et, həm də kömək üçün dua etməyə təşviq et (Sül. məs. 16:3; 1 Yəh. 5:14, 15). Böyük Britaniyada yaşayan bəzi təbliğçilər öyrətdikləri insanları qarşılarına əlifbanı öyrənmək, gətirilən ayələri tapıb oxumaq, həmçinin sadə dildə yazılmış nəşrlərimizi oxumaq kimi həm əlçatan, həm də inkişaf etdirən məqsədlər qoymağa təşviq edirlər. İnsanlara oxumağı öyrətmək, adətən, onlara sadəcə olaraq bunu necə etməyi öyrətməyi yox, onlarda bunu etməyə istək yaratmağı da özünə daxil edir.

7. Nə üçün oxumağa çətinlik çəkən insanlara həqiqəti öyrətməkdən boyun qaçırmamalıyıq?

⁷ Yehova insanın savadına yox, ürəyinə baxır (Əyy. 34:19; 1 Saln. 28:9). Buna görə də oxumağa çətinlik çəkən insanlara həqiqəti öyrətməkdən boyun qaçırma. Onlarla öyrənmə başlamaq üçün gözəl vəsaitlərimiz var. Vaxt keçdikcə «Müqəddəs Kitab öyrədir» kitabına keçə və ona Müqəddəs Yazılarla bağlı daha çox bilik verə bilərsən.