Nümunə üçün təqdimələr

Nə üçün bu qədər çox din var?

«İnsanlar anadangəlmə Allaha ehtiyac duyurlar (Mətta 5:3). Bu ehtiyaclarını təmin etmək üçün insanlar çoxlu din yaratmışlar və bu dinlər də Allahdan çox insan fikirlərinə əsaslanıb». Sonra əlavə etmək olar: «Məsələn, Müqəddəs Kitabda birinci əsrdə mövcud olan bir dini qrupdan bəhs edilir: Onlar Allahın qeyrətini çəkirdilər, ancaq bunu dəqiq biliyə əsaslanaraq etmirdilər. Onlar Allahın salehlik meyarlarına tabe olmurdular, çünki Onun salehlik meyarlarını dərk etmirdilər, əvəzində öz salehlik meyarlarını təsis etmək istəmirdilər (Romalılara 10:2, 3). Eynilə, bu gün də əksər dinlərin “öyrətdikləri adi insan əmrləridir” (Mark 7:7)».

Allahın sizin üçün iradəsi nədən ibarətdir?

«Allahın iradəsi ondan ibarətdir ki, siz Onunla yaxından tanış olasınız. Ona yaxınlaşasınız və Onu bütün ürəyinizlə sevib Ona xidmət edəsiniz (Mətta 22:37, 38; Yaqub 4:8). Siz Allahın iradəsini necə yerinə yetirə biləcəyinizi İsa Məsihin həyatından və təlimlərindən öyrənə bilərsiniz (Yəhya 7:16, 17). İsa peyğəmbər yalnız Allahın iradəsi haqda danışmırdı, o həm də buna uyğun yaşayırdı. O demişdi ki, həyatda məqsədi özünün yox, onu göndərənin iradəsini yerinə yetirməkdir (Yəhya 6:38)».