Xidmətdə püxtələşək. Başqa dildə danışan adama şahidlik etməklə

Nə üçün vacibdir? Yehova Allah istəyir ki, hər xalqdan olan insanlar həqiqəti bilsinlər (Həv. 10:34, 35). Buna görə də İsa Məsih müjdənin «bütün yer üzündə» və «xalqların hamısına» təbliğ ediləcəyini bildirmişdi (Mət. 24:14). Zəkəriyyə peyğəmbər demişdi ki, «bütün xalqlardan olan, müxtəlif dillərdə danışan» insanlar bu xəbərə hay verəcək (Zək. 8:23). Həvari Yəhya vəhydə görmüşdü ki, böyük müsibətdən «hər xalqa, hər tayfaya, hər ümmətə və hər dilə mənsub» adamlar sağ çıxacaq (Vəhy 7:9, 13, 14). Bütün bunları nəzərə alaraq, biz öz ərazimizdə başqa dildə danışan adamla rastlaşanda ona şahidlik etməliyik.