Xidmətdə püxtələşək. Yeniləri öyrətməklə

Nə üçün vacibdir? İsanın yeni davamçıları onun əmr etdiyi hər şeyə riayət etməyi öyrənməlidirlər. Bura həqiqəti başqalarına öyrətmək də daxildir (Mət. 28:19, 20). Öyrənənlərin əksəriyyəti artıq Teokratik Xidmət Məktəbinə yazılıblar, onlar qohum-əqrəbalarına, dost-tanışlarına qeyri-rəsmi şahidlik edirlər. Ancaq vaxt keçdikcə öyrəndikləri şeyləri daha çox qiymətləndirirlər və başa düşürlər ki, Yehova bütün insanların müjdəni eşitməsini istəyir. Onda onların ürəyində təbliğçi olmaq istəyi oyanır (Rom. 10:13, 14). Bundan sonra onlar vəftiz olunmamış təbliğçi təyin olunurlar. Bu, onların ruhani inkişafında mühüm bir addımdır. Ancaq yeni təbliğçilərin inamla irəliləməsi üçün onlara təlim vermək lazımdır (Luka 6:40).