Xidmətdə püxtələşək. «Yaradan və Onun niyyəti» broşürünü təklif et

Nə üçün vacibdir? «Yaradan və Onun niyyəti» broşürü bizim vacib dərs vəsaitlərimizdən biridir. Ancaq kiminləsə bu broşür vasitəsilə dərs keçmək üçün əvvəlcə gərək onu həmin adama verək. Buna görə də hər birimiz xidmətdə bu broşürü təklif etməyi bacarmalıyıq (Məs. 22:29). Bunun çoxlu üsulları var. Təbliğçi ona yarayan üsulu seçməlidir.

Bunu necə etməli?

Elə sual ver ki sonra insanın diqqətini həmin broşürün müəyyən fəslinə yönəldə biləsən. Hətta fəslin əvvəlindəki suallardan birini də seçmək olar. İnsanın cavabını dinlədikdən sonra mövzuya uyğun ayə oxu sonra broşürdə həmin mövzuya aid abzası göstər və onu qısaca müzakirə et.
Digər üsul ilk səhifələrdən istifadə edərək insanda maraq oyatmaqdır. Sonra isə insanı maraqlandıran mövzunun yerləşdiyi yeri açıb göstərmək olar. Məsələn, xəbərlərdə eşitdiyin hansısa faciəni qeyd etmək olar, sonra isə demək olar ki, çoxlarını 3-cü səhifədəki suallar narahat edir. Yaxud da deyə bilərsən ki, qonşulara gələcəklə bağlı yaxşı bir xəbəri çatdırırsan. Sonra 4 və 5-ci səhifədəki şəkilləri göstərib soruşmaq olar: «Bu vədlərdən hansının yerinə yetdiyini görmək istəyərdiniz?» Digər bir üsul budur: belə demək olar ki, sən insanlarla söhbət edib onlara həyati vacib suallara cavab tapmağa kömək edirsən. Sonra isə 6-cı səhifədəki sualları ona göstər və soruş ki bunlardan hansı onu maraqlandırır.
Birbaşa olaraq Müqəddəs Kitab dərsi keçməyi təklif et. Belə demək olar: «Biz insanlarla bu broşür vasitəsilə Müqəddəs Kitab dərsi keçirik. Bu broşürü nə vaxtsa görmüsünüz? [Cavabını dinlə.] Bir-iki dəqiqə vaxtınız varsa, Müqəddəs Kitab dərsinin necə keçirildiyini sizə göstərmək istəyərdim».

Bu ay ərzində bunu etməyə çalış:

Ailəvi ibadət zamanı məşq edin.
Xidmətdə olarkən necə təqdimə edəcəyini başqa təbliğçilərə danış (Məs. 27:17). Effektiv olmasa təqdiməni dəyiş.