Müntəzəm olaraq jurnal verdiyimiz adamlarla Müqəddəs Kitab öyrənməsinə necə başlamaq olar?
1. Sentyabr aylı ərzində məqsədimiz nə olacaq?
1 Biz təkrar başçəkmə zamanı «Müqəddəs Kitab öyrədir» nəşrindən istifadə edərək Müqəddəs Kitab öyrənməsi başlamaq məqsədilə sentyabr aylarında «Gözətçi Qülləsi» jurnalını paylayacağıq. Aşağıda bir neçə faydalı məsləhətlər təqdim edilir. Yadda saxla ki, təqdimələri öz ərazinə uyğunlaşdırmaq və öz sözlərinlə demək olar. Sənin üçün effektivdirsə, başqa üsullardan istifadə etməyə çəkinmə.
2. Biz Müqəddəs Kitab öyrənməsi başlamaq üçün «Müqəddəs Kitab öyrədir» nəşrinin giriş səhifələrindən necə istifadə edə bilərik?
2 Kitabın giriş səhifələrdən istifadə et. Təkrar gələrkən təxminən belə deyə bilərsən: «Mənim sizə verdiyim jurnallar diqqəti birbaşa Müqəddəs Kitaba yönəldir. Burada, Müqəddəs Kitabı oxumağın nə üçün vacib olduğu qeyd edilir». Yeşaya 48:17, 18; Yəhya 17:3 və ya Müqəddəs Yazılardan başqa münasib ayələr oxu. «Müqəddəs Kitab öyrədir» kitabının giriş sözlərini dedikdən və ev sahibinə bu kitabı verdikdən sonra, aşağıda göstərilən kimi davam edə bilərsən:
◼ «Müqəddəs Kitab gələcəyə dair real ümid verir». Ev sahibinə 4-cü və 5-ci səhifələri göstərib soruş: «Siz bu vəʼdlərdən hansının yerinə yetməsini istəyərdiniz?» Ev sahibinə onun seçdiyi və’din müzakirə olunduğu fəsli göstər və əgər o, icazə verərsə, qısaca bir-iki abzası müzakirə et.
◼ Yaxud belə deyə bilərsən: «Müqəddəs Kitab həyatın ən vacib suallarına cavab verir». Ev sahibinin diqqətini 6-cı səhifəyə yönəlt və soruş gör səhifənin aşağı hissəsindəki suallardan hansı onu maraqlandırır. Həmin suala cavab verən səhifəni aç və qısaca bir-iki abzası müzakirə et.
◼ Bundan əlavə, mündəricatda olan fəsilləri göstər və ev sahibindən hansı mövzunun maraqlı olduğunu soruş. Həmin fəsli aç və Müqəddəs Kitab öyrənməsinin necə keçdiyini qısaca göstər.
3. Qoyduğumuz jurnal a) dünyada şəraitin pisləşməsindən, b) ailədən, c) Müqəddəs Kitabın e’tibarlı olmasından bəhs edirsə, Müqəddəs Kitab öyrənməsinə necə başlaya bilərik?
3 Birinci başçəkmədə qaldırılan sual. İlk görüşdə təkrar başçəkməyə təməl qoymaq daha bir üsuldur. Ev sahibi jurnalları götürdükdən sonra, bir sual ver və növbəti görüşdə cavab verəcəyini və’d et. Dəqiq vaxt tə’yin etməyə və mütləq vaxtında gəlməyə çalış (Mat. 5:37). Təkrar gəldiyin zaman sualı ev sahibinə xatırlat və «Müqəddəs Kitab öyrədir» kitabından həmin sualın cavabını qısaca oxuyub müzakirə et. Ona da bir kitab ver ki, müzakirəni izləyə bilsin. Aşağıda bir neçə nümunə təklif edilir.
◼ Əgər dünyada şəraitin pisləşməsindən bəhs edən jurnal qoymusansa, belə deyə bilərsən: «Gələn dəfə biz sizinlə “Allah yer üzündə hansı dəyişikliyi edəcək?” sualını Müqəddəs Kitabın vasitəsilə müzakirə edə bilərdik». Təkrar gələrkən 4-cü və 5-ci səhifələrdən istifadə et. Yaxud bu sualı qaldıra bilərsən: «Fəlakətlər Allahın iradəsi iləmi baş verir?» Təkrar başçəkmə zamanı ev sahibinə 1-ci fəslin 7-ci və 8-ci abzaslarını göstər.
◼ Ailədən bəhs edən jurnal qoymusansa, ayrılmazdan öncə belə bir sual qaldıra bilərsən: «Ailə həyatını xoşbəxt etmək üçün ailənin hər bir üzvü nə edə bilər?» Təkrar gəldikdə isə 14-cü fəslin 4-cü abzasını müzakirə et.
◼ Müqəddəs Kitabın e’tibarlı olmasından bəhs edən jurnal vermisənsə, növbəti dəfə müzakirə etməyin üçün bu sualı verə bilərsən: «Müqəddəs Kitab elmi cəhətdən dəqiqdirmi?» Təkrar baş çəkəndə 2-ci fəslin 8-ci abzasını müzakirə et.
4. Ev sahibi «Müqəddəs Kitab öyrədir» kitabını götürməkdən imtina edirsə, biz nə etməliyik?
4 Hər müzakirənin sonunda növbəti başçəkmədə cavab verəcəyin bir sual qaldır. Müntəzəm öyrənmə baş tutan kimi, kitabı başdan axıra qədər sistematik müzakirə et. Bəs əgər ev sahibi «Müqəddəs Kitab öyrədir» kitabını götürməkdən imtina edirsə? Onda sən ona jurnallar gətirməyə və Müqəddəs Yazılardan ayələr müzakirə etməyə davam edə bilərsən. Sən onun marağını artırdıqca, bəlkə bir vaxt olur Müqəddəs Kitab öyrənməsinə razılıq verir.
5. Nə üçün biz insanlara jurnallar verməkdən daha artıq iş etməyə çalışmalıyıq?
5 İsa bizə ‘şagirdlər hazırlamağı, onları öyrətməyi’ tapşırıb (Mat. 28:19, 20). Buna görə də, jurnallar verərkən bizim əsas məqsədimiz, səmimi insanlara həqiqəti öyrətməkdir. Sentyabr ayı ərzində, «Gözətçi Qülləsi» jurnalını verərkən Müqəddəs Kitab öyrənməsinə başlamaq üçün xüsusilə sə’y göstər.