Noyabr ayı ərzində «Oyanın!» jurnalının xüsusi buraxılışı paylanacaq!
1 Çoxlarını Müqəddəs Kitabın dəyəri haqqında suallar maraqlandırır. Əgər Müqəddəs Kitabı insanlar yazmışdırsa, onu Allahın Kəlamı necə adlandırmaq olar? Nə səbəbdən mən addımlarımı yönəltməyi ona e’tibar edə bilərəm? Müqəddəs Kitabı oxuyub-öyrənməyə sə’y göstərib, vaxt sərf etməyin hansı faydası var? Müqəddəs Kitabın hansı tərcüməsindən istifadə edim? «Oyanın!» jurnalının noyabr ayındakı «Müqəddəs Kitaba e’tibar etmək olarmı?» adlanan xüsusi buraxılışında bu kimi suallara cavab veriləcək.
2 «Oyanın!» jurnalının xüsusi buraxılışından ərazimizdə çoxlu sayda paylamaq istəyirik. Əgər mümkündürsə, noyabr ayı ərzində hər şənbə günü yığıncaqla birlikdə evdən-evə təbliğ et. «Oyanın!» jurnalının bu sayını qohumlara, qonşulara, iş yoldaşlarına, müəllimlərə, məktəb yoldaşlarına və təkrar baş çəkdiyin adamlara göstər. Mağazaya gedəndə və ya gəzməyə çıxanda özünlə jurnaldan bir neçəsini götür. Ağsaqqallar artıq nüsxələr sifariş etmişlər ki, hamıda kifayət qədər jurnal olsun.
3 Müqəddəs Kitab öyrənməsinə başla. Əgər jurnal vermisənsə, söhbəti bitirməzdən əvvəl Müqəddəs Kitab öyrənməsi üçün təməl qoy. Məsələn, deyə bilərsən: «İstəyərdim gələn dəfə “Allahın yer üçün niyyəti nədir?” sualına Müqəddəs Kitabın nə cavab verdiyini göstərim». Növbəti dəfə gələndə özünlə «Müqəddəs Kitab öyrədir» kitabını götür, ona 4 və 5-ci səhifələri göstər və ya 3-cü fəslin 1-3-dək abzaslarını araşdır. Yaxud da belə deyə bilərsən: «Gələn dəfə mən sizinlə Müqəddəs Kitabın indi yerinə yetən bir peyğəmbərliyini araşdırmaq istəyərdim». Qayıdanda ona kitabın 9-cu fəslini göstər və birlikdə 1-3-dək abzasları araşdır. Yaxud sadəcə deyə bilərsən: «Çoxları Müqəddəs Kitabdan oxuduqlarını başa düşməyə çətinlik çəkirlər. Gələn dəfə istəyərdim sizə göstərim ki, Müqəddəs Kitabı necə yaxşı başa düşmək olar». Təkrar baş çəkəndə «Müqəddəs Kitab öyrədir» kitabını və öyrənmənin necə keçirildiyini göstər.
4 Yalnız Allahın Kəlamı bizə «xilas gətirən hikməti verməyə qadir» olan ‘Müqəddəs Yazılardır’ (2 Tim. 3:15). Buna görə də, insanların Müqəddəs Kitaba e’tibarını möhkəmlətmək üçün hamımız «Oyanın!» jurnalının bu xüsusi nömrəsinin paylanmasında sə’ylə iştirak etmək istəyirik!