MƏSİHİ HƏYATI

Heç bir dinə mənsub olmayan insanlara Yaradanı tanımağa kömək edin

Nə vaxtsa heç bir dinə mənsub olmayan, yaxud Allaha inanmadığını deyən insanlara təbliğ etməyə tərəddüd etmisiniz? Onların xoş xəbərə hay verməyəcəyini düşünmüsünüz? Əgər elədirsə, nəzərə alın ki, dindar olmayan insanların, o cümlədən ateistlərin çoxu sonradan Yehovanın Şahidi olub. Adətən onlara Allahın mövcudluğuna dair bir neçə dəlil gətirmək bəs edir (Rm 1:20; 10:14).

«UNUTMAYIN! İMANI OLMAYAN İNSAN DA İMAN SAHİBİ OLA BİLƏR! DİNDAR OLMAYAN İNSANLAR» ADLI VİDEOYA BAXANDAN SONRA AŞAĞIDAKI SUALA CAVAB VERİN:

Tommazonun hadisəsi heç bir dinə mənsub olmayan insanlara çəkinmədən təbliğ etməyə sizə necə kömək edir?

Şərhiniz

Bunu necə edə bilərik?

Əgər insan Allaha inanmadığını deyərsə, bu mövzu ilə bağlı onun fikirlərinə, hisslərinə etinasız yanaşmayın, hörmət edin, anlayış göstərin (2Tm 2:24). Onun marağına səbəb olacaq mövzulardan danışın. O, Yaradanın varlığı ilə bağlı sübutları müzakirə etməyə meyillidirmi? Əgər meyillidirsə, bu mövzuyla bağlı nəşrlərimizdən və videolarımızdan istifadə etmək olar. «Həyat necə yaranıb?» adlı broşür Xidmət üçün vəsaitlərə daxil edilib ki, onu asanlıqla tapa bilək.

Əvvəl-əvvəl, ola bilsin, Allaha inanmayan insanlara həqiqəti çatdırmaq sizə çətin gəlsin. Bəlkə, təcrübəli təbliğçidən kömək istəyəsiniz? Unutmayın ki, Yehova xoş xəbərə meyli olanlara təbliğ etməyə bizə kömək edir. Hətta insan ilk dəfədən Allahın mövcudluğunu inkar etsə də (Hv 13:48).