Kommunist qiyamından sağ çıxdım

1965-ci il oktyabrın 1-i gecə yarısı idi. Dövlət çevrilişinə cəhd zamanı İndoneziya Kommunist Partiyasının (İKP) qoşunları tanınmış altı generalı qətlə yetirdilər. Dövlət buna tez və amansızcasına cavab verdi. Ümumxalq soyqırımı kimi tanınan bu hadisədə təxminən 500 000 günahsız kommunist qətlə yetirildi.

Çevriliş baş tutmayandan bir neçə həftə sonra yüksək rütbəli hərbi komandir bildirdi ki, adım ölüm siyahısında lap başda idi. Kommunistlər bu siyahıya ərazimizdəki bütün dini liderlərin adını daxil etmişdilər. O hətta mənim üçün qazılmış qəbri də göstərmək istədi. Ancaq mən hörmətcil şəkildə bundan imtina etdim. Siyasi mühitin tüğyan etdiyi bir atmosferdə istəmədim ki, məni onunla birgə görsünlər və məsihi bitərəfliyimə xələl gəlsin.